Liproverbia
2 Sabo yetiswa ki mulena iswana sina sabo yetiswa ki kubuluma kwa tau;*+
Mutu kaufela yamuhalifisa ukenya bupilo bwahae mwa kozi.+
5 Mihupulo* ya mwa pilu ya mutu iswana sina mezi a kwatasi hahulu,
Kono mutu yanani temuho ki yena yaka aka.
6 Batu babañata bazibahazanga kuli banani lilato lelisa feli,
Kono ki mañi yakona kufumana mutu yasepahala?
7 Mutu yalukile uzamaya ka busepahali bwahae.+
Tabo ki ya bana* bahae babaka pepwa mwamulaho wahae.+
12 Zebe yeutwa ni liito lelibona
—Bubeli bwazona liezizwe ki Jehova.+
13 Usike walata buloko, hakusicwalo ukakenelwa ki bubotana.+
Apula meeto ahao, mi ukakula sinkwa.+
14 Yaleka sika uli: “Hasiyo hande, hasiyo hande!”
Kihona aikela inze aitumbaeta.+
16 Amuha mutu siapalo sahae haiba mutu yo usepisize kulifela mutu yasazibi sikoloti sahae;+
Umuamuhe sanaaitamile ka sona haiba naaezize cwalo ku musali usili.*+
17 Sinkwa sesifumanwa ka bupumi simunati ku mutu,
Kono hasamulaho mulomo wahae ukatala macwe.+
20 Mutu kaufela yakuta ndatahe ni mahe,
Lambi yahae ikatima, lififi halika taha.+
21 Saanda sesifumanwa ka mukwañuli kwa makalelo
Hasina kuba ni mbuyoti kwa mafelelezo.+
22 Usike wabulela kuli: “Nikakutiseza bumaswe!”+
Usepe Jehova,+ mi uka kulamulela.+
23 Macwe a kuweitisa asasepahali* ki aanyenyisa ku Jehova,
Mi likala zepuma haki zende.
25 Ki katwa ku mutu kumatela kuhuweleza kuli: “Sikenile!”+
Mi hasamulaho kihona anahanisisa za buitamo bwahae.+
27 Moya wabuyela mutu ki lambi ya Jehova,
Yetatubisisa mwahali hahulu ku yena.
28 Lilato lelisa feli ni busepahali lisileleza mulena;+
Ka lilato lelisa feli, utiisa lubona lwahae.+
29 Kanya ya mitangana ki maata abona,+
Mi bunde bwa babahulile ki limbi zabona.+