2 Malena
22 Josiasi+ naanani lilimo ze 8 hakala kubusa, mi abusa lilimo ze 31 inzaa li mwa Jerusalema.+ Libizo la mahe neli Jedida mwanaa Adaya wa kwa Bozikati.+ 2 Aeza zelukile mwa meeto a Jehova mi azamaya mwa linzila kaufela za Davida kuku wahae,+ naasika keluhela ku la bulyo kamba ku la nzohoto.
3 Ka silimo sabu 18 sa puso ya Mulena Josiasi, mulena aluma muñoli Shafani, mwanaa Azalia mwanaa Meshulami, kwa ndu ya Jehova,+ ali: 4 “Uye ku Hilikia+ muprisita yapahami, uyo mutaluseza kuli akopanye masheleñi kaufela atiswa mwa ndu ya Jehova,+ ebaamuhezi balibeleli ba kwa munyako kwa batu.+ 5 Bafe masheleñi ao kwa batu babaketilwe kuzamaisa musebezi mwa ndu ya Jehova, mi bona baka afa batu babasebeza mwa ndu ya Jehova babaka lukisa foisinyehile* ndu,+ 6 ili likwala za misebezi ya mazoho, bayahi, ni babapanga lika fa macwe; mi baitusise ona kwa kuleka likota ni macwe abetilwe a kulukisisa ndu.+ 7 Kono habaswaneli kutatubiwa kuli kubonwe mobaitusiseza masheleñi ebafiwa, kakuli basepahala.”+
8 Hasamulaho, Hilikia muprisita yapahami ali ku muñoli Shafani+ “Nifumani buka ya Mulao+ mwa ndu ya Jehova.” Hilikia kihaa fa Shafani buka yeo, mi Shafani akala kuibala.+ 9 Cwale muñoli Shafani aya ku mulena, mi ayo mubulelela kuli: “Batanga bahao bashukumuzi masheleñi anaafumanwi mwa ndu, mi baafile babaketilwe kuzamaisa musebezi mwa ndu ya Jehova.”+ 10 Muñoli Shafani hape abulelela mulena kuli: “Kunani buka+ yanifile muprisita Hilikia.” Mi Shafani akala kuibala fapilaa mulena.
11 Mulena asautwa feela manzwi añozwi mwa buka ya Mulao, apazula liapalo zahae fahali.+ 12 Mi mulena alaela muprisita Hilikia, Akikami+ mwanaa Shafani, Akibori mwanaa Mikaya, muñoli Shafani, ni Asaya mutangaa mulena, ali: 13 “Hamuye, muyo nibuzeza Jehova, muyo buzeza ni sicaba, ni Juda kaufela bakeñisa manzwi añozwi mwa buka yefumanwi ye; kakuli buhali bwa Jehova bobu lutukezi ki bobutuna,+ bakeñisa kuli bo kuku waluna nebasika mamela manzwi a buka ye ka kueza lika kaufela zeñozwi mwateñi ze luama.”
14 Cwale muprisita Hilikia, ni Akikami, ni Akibori, ni Shafani, ni Asaya baya ku Hulida mupolofita wamusali.+ Hulida neli musalaa Shalume yanaababalela mabulukelo a liapalo, mi Shalume neli mwanaa Tikiva mwanaa Harasi. Hulida naapila mwa Kalulo Yenca ya Jerusalema; mi bayo ambolela ni yena kwateñi.+ 15 Ali ku bona: “Jehova Mulimu wa Isilaele sabulela ki se, uli: ‘Muyo bulelela muuna yamilumile ku na, muli: 16 “Jehova sabulela ki se, uli: ‘Nikatisa ziyezi fahalimwaa sibaka se ni fahalimwaa babayahile ku sona, ili manzwi kaufela añozwi mwa buka yabalile mulena wa Juda.+ 17 Bakeñisa kuli banifulalezi mi basweli kutushaniseza milimu isili+ matabelo kuli banifoseze ka misebezi kaufela ya mazoho abona,+ buhali bwaka bukatukela sibaka se mi habuna kutimiwa.’”+ 18 Kono mulena wa Juda, yena yamilumile kuto buza Jehova, muyo mubulelela kuli: “Jehova Mulimu wa Isilaele sabulela ki se, uli: ‘Ka za manzwi euutwile, 19 bakeñisa kuli unolofalize pilu yahao mi uikokobelize+ fapilaa Jehova hauutwile zenibulezi ka za sibaka se ni babayahile ku sona—kuli bakaba sisupo sesisabisa ni sikuto—mi neupazuzi liapalo zahao fahali+ ni kulila fapilaa ka, ni na nikuutwile, kubulela Jehova. 20 Ki lona libaka hauka bulukiwa sina bo kuku wahao,* mi ukapumbekwa mwa libita lahao ka kozo, mi meeto ahao haana ku bona ziyezi kaufela yenika tahiseza sibaka se.’”’” Kiha bakutiseza mulena kalabo.