Lizibiso

◼ Libuka ze ka fiwa mwa February: Mu itusise ifi kamba ifi ya libuka za makepe a’ 192 ze mu kana mwa ba ni zona mwa pulukelo. March: Zibo Ye Isa kwa Bupilo bo Bu Sa Feli. Mu tome hahulu fa ku kalisa lituto za Bibele za fa mandu. April ni May: Mungendenge wa ñoliso ya Tora ya ku Libelela.

◼ Muñoli ni muokameli wa sebelezo ba swanela ku lundulula musebezi wa mapaina ba kamita kaufela. Haiba ku na ni ba ba fumana butata bwa ku fita fa lihora za bona ze tokwahala, maeluda ba swanela ku lukisa kuli tuso i fiwe. Kwa neku la liakalezo, mu lundulule mañolo a Sosaiti (S-201-SK) a October 1, 1993, ni November 1, 1992. Hape mu bone maparagilafu 12-20 mwa ñambeko ya Bukombwa bwa Luna bwa Mubuso bwa October 1986.

◼ Ngambolo ye ipitezi ya nyangela ya nako ya Kupuzo ya 1998 i ka fiwa la Sunda, March 29. Sikuka sa ngambolo si ka fiwa. Liputeho ze ka potelwa ki muokameli wa mupotoloho, ku ba ni mukopano wa mupotoloho, kamba lizazi la mukopano o ipitezi kwa mafelezo a viki yeo li ka ba ni ngambolo ye ipitezi viki ye tatama. Ha ku na puteho ye swanela ku ba ni ngambolo ye ipitezi pili March 29, 1998 i si ka fita kale.

◼ Malekisezo a libuka a kwaluzwi kwa ofisi ya mutai ya Sosaiti ya kale mwa Mukwakwa wa Northumberland, kwa Kitwe. A kwalulwanga la Mubulo, la Bulalu ni la Mukibelo kakusasana fela, ku zwa ka 8:00 hrs ku isa ka 12:00 hrs. Shangwe mu si ke mwa taha ka linako ze ñwi kakuli ha ku na ya ka talima za mina. Lu sepa kuli yona sebelezo yeo i ka tusa mizwale ba kwa Mikoti ni ba bañwi ba ba kana ba fita mwa Kitwe ka nako ni nako. Mapaina ba ka tokwiwa ku fitisa makadi a bona a sizibelo kuli ba fumane libuka ni limagazini ka teko ya bupaina.

◼ Ha mu ñola fa fomu ya Ku Kopanywa kwa ka Kweli ni Piho ya za Pulukelo ya Mali (S-30-SK), ili ye balelwanga puteho sina piho ya pulukelo ya za mali, shangwe mu hupule kuli lika za kupo ye ipitezi ha li kopanyelezwi kwa palo hamoho ya libuka kaufela za musebezi ze liteñi. Ki nto ye swana ni kwa limagazini, mu si ke mwa kopanyeleza teñi palo ya limagazini za kale ze mwa pulukelo, kono mu bale fela misulo ye mine ya mafelelezo ya mwa puo ni puo yeo puteho i amuhezi. Ku latelela litaelo ze filwe fa fomu yeo ku ka bonisa hande pulukelo ya mina ya za mali.

◼ Likwata za bahasanyi ba ba lakaza ku eza litukiso za ku abana mwa ku sebeleza libaka ze na ni butokwi bo butuna mwa likweli ze taha ba swanela ku lela ku fa broshuwa ya Seo A Tokwa kamba buka ya Zibo mwa bukombwa bwa bona bwa mwa simu.

◼ Lihatiso ze Fumaneha:

“All Scripture is Inspired of God and Beneficial”—Sibemba, Sikuwa

Lipaki za Jehovah ni Tuto—Sibemba, Sichewa, Sikuwa, Silozi, Sitonga

Lipaki za Jehova mwa Lilimo za Mwanda wa Mashumi a Mabeli—Sibemba, Sichewa, Sikuwa, Silozi

Taba ya Mubuso No. 35—Sibemba, Sichewa, Sikaonde, Sikuwa, Silozi, Silubale, Silunda, Situmbuka

“Bona! Linto Kaufela Ni Li Eza Ze Nca”—Sibemba, Sichewa, Sikuwa, Silozi, Sitonga

Mutu Yo Mutuna ka ku Fitisisa ya Kile a Pila fa Lifasi-Mubu—Sibemba, Sichewa, Sikuwa, Silozi

Muta Mutu Yo Mu Lata H’a Timela—Sibemba, Sichewa, Silozi, Sitonga