Mu Bate-Bate Bosusu mwa Kalulo ya Mina
1 Jehova u sweli ku biza batu, u li: “Taha! . . . Ya lata, a nge fela kwa mezi a bupilo.” (Sin. 22:17) Ku ba ba amuhela pizo yeo ku na ni bosusu ba bañata. Ka lona libaka leo, liputeho li sikai mwa naha ya luna li na ni likwata za bosusu ze ezanga mikopano ka ku itusisa puo ya bosusu ya si-America.
2 Nihaike kuli likwata za bosusu li sweli sihulu ku kutaza ku bosusu ni kwa batu ba ba sa koni ku utwa hande mwa likalulo za zona, ku sa na ni bosusu ba bañata ba ba sa swanela ku fumanwa ni ku kutazwa mwa naha m’o.
3 Mu Kona ku Tusa Cwañi?: Ha mu li mwa libaka za nyangela, kana mwa bonanga batu ba ba itusisa puo ya bosusu? Kana ku na ni yo mu beleka ni yena kamba yo mu kena ni yena sikolo ya na ni wahabo yena wa susu? Mu like ku fumana bosusu ha mu nze mu eza misebezi ya mina ya ka zazi. Kono mu kona ku ezañi kuli mu ba tuse ku utwa taba ya Mubuso?
4 Ku Fa Bupaki: Mu zibise sikwata sa bosusu se si fakaufi ka za kwa fumaneha mutu yo mu katani. Bosusu ba bañata ba ezanga zwelopili ka bubebe ha ba swalisana ni bosusu ba bañwi ba ba li Lipaki kwa mikopano ye eziwa mwa puo ya bona. Kacwalo, haiba mwa silalanda sa mina ku na ni sikwata sa bosusu, muñoli wa puteho ya mina a ñolele sikwata seo ku si zibisa za bosusu kaufela ba ba mwa kalulo ya mina.
5 Ku cwañi haiba ha ku na ya kona ku kutaza ku susu ya pila mwa silalanda sa mina? Mina mu kona ku tusa cwañi? Mwa kona ku eza musipili wa makutisezo ni ku ambola ni bahabo yena. Haiba kwa konahala, mu mu buhise vidio ya mwa puo ya bosusu kuli mu zusuluse cisehelo ya hae. Bahasanyi ba bañwi mane se ba itutile puo ya bosusu ya si-America kuli ba kone ku kutaza hande ku bosusu.—Lik. 16:9, 10.
6 Ka ku lika ka t’ata ku fumana bosusu mwa silalanda sa mina, mwa kona ku ba fa kolo ya ku nwa kwa mezi a bupilo.—Mat. 10:11.