Likupuliso za Kupuzo

Mukiti wa Kupuzo unomwaha u ka ba la Bune, March 28. Maeluda ba swanela ku isa mamelelo ku ze latelela:

◼ Ha mu toma nako ya mukopano, mu bone teñi kuli liswanisezo ha li fitiswi lizazi li si ka likela kale.

◼ Mañi ni mañi, hamohocwalo ni mubuleli, ba zibiswe za nako tenyene ni sibaka ko u ka bela mukiti.

◼ Mufuta o swanela wa sinkwa ni veine li fumanwe ni ku lukiswa cimo.—Mu bone Tora ya ku Libelela ya February 1, 1985, likepe 12.

◼ Mikeke, litambula, ni tafule ye swanela ni lisila la ku yala li lukela ku fitiswa kwa muyaho ni ku lukiswa cimo fo li lukela ku beiwa.

◼ Ndu ya Mubuso kamba sibaka se siñwi sa mukopano si keniswe cimo ka ku tala.

◼ Bababaleli ni ba ba fitisa liswanisezo ba ketiwe ni ku laelwa cimo ka za misebezi ya bona, muezezo o swanela, ni butokwa bwa ku apala hande ni ku ba ni ponahalo ye nde.

◼ Ku eziwe litukiso za ku isa liswanisezo ku ba ba tozizwe bafi kamba bafi ba ba kula ili ba ba palezwi ku fumaneha teñi.

◼ Ha ku tomahanyizwe kuli liputeho li sikai li itusise Ndu ya Mubuso ye swana, ku lukela ku ba ni swalisano ye nde mwahal’a liputeho zeo ilikuli ku si ke kwa ba ni ku sinanelwa ko ku sa tokwahali mwa sibaka sa makenelo, mwa linzila za ku zamaya teñi za nyangela, ni mo ku yemisezwa limota.