SIFALANA SA FA INTANETI sa Watchtower

SIFALANA SA FA INTANETI

mwb16 April like. 3
Mususueze ni Kutiisa Babañwi ka Manzwi Amande

Bupilo Bwaluna Bwa Sikreste ni Bukombwa—Buka ya Mukopano (2016)

mwb16 April like. 3

LITABA ZA BUTOKWA ZEZWA MWA LINZWI LA MULIMU | JOBO 16-20

Mususueze ni Kutiisa Babañwi ka Manzwi Amande

Manzwi a mutu yaeleza babañwi aswanela kuba atiisa

Jobo naaikutwile kuzwafa ni kuziyeleha, kacwalo naatokwa kutusiwa ni kususuezwa ki babañwi
Balikani ba Jobo babalaalu nebasika bulela lika zemuomba-omba. Kono nebamutamelelize litaba mi nto yeo neitahisize kuli abe ni lipilaelo zeñata

Manzwi amaswe a Bilidadi naatahisize kuli Jobo aikutwe hahulu bumaswe

Jobo naakupile kuli Mulimu amuimulule ka nzila yeñwi, nihaiba kwa lifu
Jobo naaisize pilu kwa sepo yahae ya zuho mi naazwezipili kuitiisa ka busepahali

Elifazi naabulezi ni Jobo bo Bilidadi ni Zofari banze batalimezi

BALWANISI BA JOBO

Elifazi:

Mwendi naazwa kwa Temani mwa naha ya Edomo. Kwa liñolo la Jeremia 49:7, Temani italuswa kuli neeli sona sibaka kone kusimuluha butali bwa Maedomo
Mwendi neeli yena yomuhulu fa sikwata seo mi ki yena yanaa kukuelize hahulu babañwi, Elifazi neeli yena wapili kubulela. Naabulezi halaalu mi naabulezi hahulu kufita balikani bahae bababeli

Litamilikezo:

Naasheunuzi busepahali bwa Jobo mi Elifazi hape naabulezi kuli Mulimu haasepi batanga bahae (Jobo 4; 5)
Naabulezi kuli Jobo naaikuhumusa mi naali mutu yamaswe ni kuli naasasabi Mulimu (Jobo 15)
Naatamelelize Jobo kuli naanani mukwañuli mi naasaezi ka kuluka mi hape naabulezi kuli mutu haki wabutokwa ku Mulimu (Jobo 22)

Bilidadi:

Naasimuluha kwa Shuha. Mwendi naapila bukaufi ni Nuka ya Eufrati
Naali yena wabubeli kwa kubulela. Litaba zahae zetaalu neli zekuswani mi neliutwisa hahulu butuku kufita za Elifazi

Litamilikezo:

Naabulezi kuli bana ba Jobo nebaezize sibi mi koto yene ibatahezi neibaswanela, hape naabulezi kuli Jobo yena ka sibili naasalumeli ku Mulimu (Jobo 8)
Hape naabulezi kuli Jobo naali muezalibi (Jobo 18)
Naabulezi kuli busepahali bwa batu ki bwa mbango (Jobo 25)

Zofari:

Wa kwa Naama, mwendi naazwa kwa mutulo-wiko wa Arabia
Naali yena wabulaalu kubulela mi litamilikezo zahae neeli zesituhu hahulu. Naabulezi feela habeli

Litamilikezo:

Naatamelelize Jobo kuli lipulelo zahae nelisina tuso mi naamubulelezi kuli atuhele likezo zahae zemaswe (Jobo 11)
Naatalusize kuli Jobo naali yamaswe mi naatabela kueza sibi (Jobo 20)