Ki Lifi Likonkwani Zemuitomezi Mwa Silimo sa Sebelezo Sesinca?

Likonkwani za kwa moya likopanyeleza nto kaufela yelueza ka taata kuli luipete ilikuli lukone kusebeleza Jehova ka kutala ni kuli lumutabise. Lilutusa kueza zwelopili ya kwa moya mi lutokwa kuitombola nako ni maata aluna kuli lulipete. (1 Tim. 4:15) Ki kabakalañi haluswanela kunyakisisanga likonkwani zaluna kamita? Bakeñisa kuli miinelo yacincanga. Sikonkwani sene luitomezi kwamulaho mwendi hasisa tokwahala ka nako yacwale, kamba mwendi lusipetile kale mi lwakona kuitomela sisili.

Pili silimo sa sebelezo sesinca sisika fita kale, ki fona foluswanela kunyakisiseza likonkwani zaluna. Mwakona kunyakisisa ka za taba yeo ka nako ya kulapela sina lubasi ni kuitomela likonkwani ka butu kamba sina lubasi.

Ki likonkwani mañi zemutabela kwa likonkwani zelatelela, mi ki mihato mañi yemulela kuunga kuli mulipete?