“Mulimu U Lilato”

1. Ya lilato ki Mulimu.

Lu zamaye ni yena.

Ha lu bonisa lilato,

Ze nde lu ka li eza.

Lwa lata ku pila cwalo,

Mi ki nto ye nde luli.

Ha lu likanyisa Kreste,

Lu ka na lu latana.

2. Ki Mulimu ye lu lata,

Mi lwa lata za niti.

Mwa miliko wa lu tusa

Kuli lu si ke lwa wa.

Lilato li na ni musa;

Ha li na pilu-seta.

Ha lu lateñi ba bañwi.

Lilato ki le linde.

3. Ha lu siyeñi sitoyo;

Si si ke sa lu koma.

Mulimu a mi bonise

Litaelo ze nde ze:

Ha mu late batu bote;

Mu late ni Mulimu.

Mi lu no mu likanyisa

Mwa ku lata ba bañwi.