Ku Fumana Sinotolo sa Tabo ya Lubasi
1 Mabasi a itusisa likuka za Bibele ni ao a toma bupilo bwa ona fa Mubuso wa Mulimu se a fumani kuli butata bwa ona bu fukuzehile, haiba ha bu si ka tatululwa, mi tabo ki ye fumanwi. Kana lo haki lushango lo lu makalisa ku lu fitisa kwa mabasi a mwa kalulo ya mina mwahal’a kweli ya February, ka ku itusisa buka ya Ku Eza Bupilo bwa Lubasi lwa Mina ku ba bwa Tabo?
2 Lu ka eza seo ka mukwa ufi? Ka ku libisa mamelelo ya bona kwa Linzwi la Mulimu, le li bonisa likuka za bupilo bwa tabo mwa lubasi. Bupilo bwa lubasi bu mwa minahano ya batu. Mu be ba ba itatela ku bulela ka za bona. Mu ba bonise ka mo buka ye nca yeo i kona ku ba tuseza. Kono hape mu ba taluseze kuli butata bwa bupilo bwa lubasi ha bu na ku tatululwa ka ku tala ku fitela Mubuso wa Mulimu u zwisa bumaswe kaufela fa lifasi-mubu. Ki sona seo batu ba si lapelela ha ba lapela tapelo ya Mulena, kono buñata bwa bona ha ba zibi seo. (Mat. 6:9, 10) Kauhanyo ya mafelelezo fa buka ya bupilo bwa lubasi i kona ku ba tusa ku utwisisa yona niti yeo.
3 Ne mu kana mwa kalisa cwana:
◼ “Ni pota kuli ni abane ni mina litaba ze ñwi ka za butata bo bu ama hahulu ba bañata mwa lifasi kacenu. Bu ama bupilo bwa lubasi. Kaufel’a luna lu bata mabasi a luna ku ba a tabile, kono lu ziba kuli mabasi a mañata haki a tabile luli. Ki sifi seo mu ikutwa kuli ne si ka tusa batu ku fumana tabo ye tezi mwa bupilo bwa bona bwa lubasi? [Mu ba tuhele ba alabe.] Kana ha mu lumeli kuli ne ku ka ba ni tuso ku teeleza ku seo Mubupi wa lubasi a si bulela? U bonisize likuka ze tokwahala mwa Bibele. Zona likuka zeo li talusizwe mwa buka ye ya Ku Eza Bupilo bwa Lubasi lwa Mina ku ba bwa Tabo. Mu bone likalulo za taba yeo ze buhisanwi. [Mu bonise mukoloko wa za mwahali.] Buka ye hape i supa kwa tatululo ye inelela ya butata bwa mufuta wa mutu. Ku si na ku kakanya mwa ilapelelanga. Mu ba ba twaelani ni tapelo ya Mulena, nji cwañi? [Mu ame kwa Mateu 6:9, 10.] Ki tato ya Mulimu kuli Mubuso wa hae u zwise bumaswe kaufela fa lifasi-mubu le. Kauhanyo ya mafelelezo ya buka ye i bonisa ka mo bupilo bwa lubasi bwa batu kaufela bao cwale ba toma tumelo ya bona kwa Mubuso wa Mulimu ba ka fumanela tuso. Lu siya buka ye ka K400.00 fela.”
4 Ka mo ku inezi fela, ha mu bulela kwa batu ka za butata bwa bupilo bwa lubasi, mu ka bata ku ba ni maseme. Mu tokolomohe ku bonahala inge mu nahana kuli muña ndu u na ni butata mwa lubasi lwa hae. Ne ku ka ba hande ku ama kwa butata sina bo nyangela ka nañungelele i sweli ku ipumana ku bona.
5 Ku bonisa cisehelo kwa likwata za mabasi: Kana ne ku si ke kwa ba hande ha ne lu ka itomela sikonkwani sa ku bulela kwa likwata za mabasi a mañata ka mo ku konahalela kaufela mwa kweli ya February? Mu beye seo mwa munahano ha mu nze mu yala mutomo wa musipili wa mina wa makutisezo. Puhisano ha i fela ya ku pota kwa mina kwa pili, ne mu kana mwa bulela kuli: “Bakeñisa kuli lu ba ba tabela ku buhisana Bibele ni mabasi, ne ni ka tabela ku kuta ka nako yeo lubasi lwa mina kaufela lu li fa sibaka ili ku t’o zwelapili mwa puhisano ye. [Mu buze nako ye sa pitihanyi ya ku pota.] Nako yeo isi ka fita kale, ne mu kana mwa tabela ku talima mwa buka ye, mi ha ni ka kuta lwa kona ku t’o buhisana kauhanyo ye tabelwa hahulu ki mina ni lubasi lwa mina.”
6 Lu sepa mu ba ba lumela kuli buka ye i ka ba ni tuso luli kwa mabasi mwa kalulo ya mina. Mwahal’a lilimo-limo se lu amuhezi mañolo a mañata a buitebuho kwa kelezo ye nde ye mwa buka yeo. Munna yo muñwi n’a makalile ka ku bulela kuli: “Musal’a ka ni na ha lu nze lu zwelapili mwa makepe a yona, bupilo bwa luna bwa lubasi bu zwelapili ku ba bo bunde.” Ku kana kwa ba kuli ni mina ne mu bile ni maikuto a swana muta ne mu balile yona buka yeo.
7 Kacwalo, ha mu nze mu lika ka t’ata ku tahisa balutiwa, mu nahane ka za ku tusa mabasi kaufela. Mu ba tuse ku bona butokwa bwa lushango lwa Mubuso ilikuli ba kone ku abana hamoho mwa limbuyoti za kwapili.—Sin. 21:4.