Mitendelo ya Davida.
א [Aleph]
145 Nkakuzunzulanga, a Leza wami Mulopwe,+
Nkatendelanga dijina dyobe nyeke ne nyekeke.+
ב [Beth]
2 Difuku dyonso dituntulu nkakutendelanga;+
Nkatendelanga dijina dyobe nyeke ne nyekeke.+
ג [Gimel]
3 Yehova i mukatampe kadi mufwaninwe kutendelwa kutabuka;+
Bukatampe bwandi kebusokolwapo.+
ד [Daleth]
4 Lukongo ne lukongo lukatendelanga mingilo yobe;
Bakesambilanga pa bilongwa byobe bya bukomo.+
ה [He]
5 Bakesambanga buya bwa dyangi bwa ntumbo bwa bukatakata bobe+
Kadi nkalangulukilanga pa mingilo yobe ya kutendelwa.
ו [Waw]
6 Bakesambilanga pa bilongwa byobe bilenga nzuba,
Nami nkasapulanga bukatampe bobe.
ז [Zayin]
7 Bakayulwanga nsangaji kitatyi kyobavuluka buyampe bobe bungibungi,+
Kadi bakelanga nsadi ya tusepo mwanda wa boloke bobe.+
ח [Heth]
8 Yehova i wa kanye ne lusa,+
Wija pa kukwatwa bulobo kadi mukatampe mu buswe bwa ndamatyidile.+
ט [Teth]
9 Yehova i muyampe ku bonso,+
Kadi lusa lwandi i lumweke mu mingilo yandi yonso.
י [Yod]
10 A Yehova, mingilo yobe yonso ikakutumbijanga,+
Kadi bantu bobe ba lulamato bakakutendelanga.+
כ [Kaph]
11 Bakasapulanga ntumbo ya bulopwe bobe+
Ne kwisambila pa bukomokomo bobe,+
ל [Lamed]
12 Mwanda wa kuyukanya ku bantu bilongwa byobe bya bukomo+
Ne buya bwa dyangi bwa ntumbo bwa bulopwe bobe.+
מ [Mem]
13 Bulopwe bobe i bulopwe bwa nyeke,
Kadi bufumu bobe bulādilanga ku nkongo yonsololo.+
ס [Samekh]
14 Yehova ukwashanga bonso bapona+
Kadi ulangulanga bonso bonyame.+
ע [Ayin]
15 Meso onso atalanga kodi na lukulupilo;
Wibapanga byakudya byabo mu kitatyi kyabyo.+
פ [Pe]
16 Abe ubālanga kuboko kobe
Ne kuvuija bisaka mutyima wa bintu byonso byūmi.+
צ [Tsade]
17 Yehova i moloke mu mashinda andi onso+
Kadi i wa lulamato mu byonso byalonga.+
ק [Qoph]
18 Yehova udi pabwipi na boba bonso bamwita,+
Bonso bamwita mu bubine.+
ר [Resh]
19 Uvuijanga bisaka mutyima wa boba bamutyina;+
Wivwananga kulomba kobalomba bukwashi, webakūla.+
ש [Shin]
20 Yehova ulamanga boba bonso bamusenswe,+
Ino babi bonso ukebatukija fututu.+
ת [Taw]
21 Kyakanwa kyami kikasapulanga mitendelo ya Yehova;+
Bintu byonso byūmi bitendele dijina dyandi dijila nyeke ne nyekeke.+