28 Kweji 7–3 Kweji 8
Kabuku ka ku Kupwila Būmi ne Mwingilo—2025 | Kweji 7

28 KWEJI 7–3 KWEJI 8

NKINDI 24

Lwimbo 38 ne Milombelo | Binenwa bya Ñanjilo (Mun. 1)

BYABULĒME BYA MU KINENWA KYA LEZA

1. Wikomeje mu Bitatyi bya Makambakano

(Min. 10)

Ikala na buyuki ne tunangu (Nki 24:5; it-2 p. 610 mus. 8)

Lama bibidiji byobe bya ku mushipiditu kitatyi kyotyumukwa mutyima (Nki 24:10; w09 1/12 p. 18 mus. 12-13)

Lwitabijo lukomo ne buswe botusenswe Yehova biketukwasha tūminine matompo (Nki 24:16; w20.12 p. 15)

Kaka udi na misongo mikomo usapula na nsangaji busapudi bwa ku njibo ne njibo na mulunda nandi. Ulombola mwana-mukaji udi pa kibelo myanda kapanda mu yandi tabulete.

2. Byabupeta bya ku Mushipiditu

(Min. 10)

  • Nki 24:27—Le luno lukindi lwitufundija bika? (w09 1/10 p. 10)

  • Le i byabupeta’ka bya ku mushipiditu byowasokwele mu butangi bwa Bible bwa uno yenga?

3. Butangi bwa Bible

(Min. 4) Nki 24:​1-20. (th kifundwa 11)

WIIBIDIJE MWA KUSAPWILA

4. Mwa Kushilwila Mīsambo

(Min. 2) BUSAPUDI BWA KIPONKA NA PONKA. Mīsambo ibafule kumeso kwa abe kusapwila muntu. (lmd kifundwa 2 kakipindi 4)

5. Mwa Kushilwila Mīsambo

(Min. 3) KU NJIBO NE NJIBO. (lmd kifundwa 3 kakipindi 4)

6. Mwa Kushilwila Mīsambo

(Min. 3) BUSAPUDI BWA MU BANTU BAVULE. Lombola muntu motwifundilanga Bible ne kumupa kalata kalombola mwifundilwanga Bible. (lmd kifundwa 4 kakipindi 3)

7. Mwisambo

(Min. 3) lmd mbwejo A kakipindi 11—Mutwe wa Mwanda: Leza Wisambanga Netu. (th kifundwa 6)

BŪMI BWA BENE KIDISHITU

Lwimbo 99

8. Mwa Kwikwashisha Umo ku Mukwabo mu Bitatyi bya Makambakano

(Min. 15) Kwisamba na Bevwaniki.

Misongo, bimpengele bya kipangila, tuvutakanya twa basivile, mavita nansha kupangwapangwa bibwanya kwitufikila mu kitulumukila. Shi bino bintu bibalongeka, batutu ne bakaka bekwashanga ne kwikankamika umo ku mukwabo. Nansha shi bino bintu kebitufikīlepo batwe, ino tuteñwanga pa mwanda wa batutu ne bakaka bafikilwe nabyo kadi tuloñanga bukomo bwa kwibakwasha.—1Ko 12:​25, 26.

Kifwatulo: Batutu ne bakaka bakwatakanya banababo mu lwitabijo mu miswelo mishileshile. 1. Batutu ne bakaka balongolola Njibo ya Bulopwe yaonenwe na kimpengele kya kipangila. 2. Batutu ne bakaka batundaila na nsangaji lolo ne wandi mwana mwana- mukaji balefije. 3. Kaka utūla kyabuntu mu kasanduku ku Njibo ya Bulopwe. 4. Batutu ne bakaka bapa banababo balefije bintu ku Njibo ya Bulopwe. 5. Banabetu ba kwilanga bapāna matyupa a mema. 6. Tutu ulombela.

Tanga 1 Balopwe 13:6 ne Yakoba 5:16b. Kupwa ipangula bevwaniki amba:

  • Mwanda waka milombelo ya bengidi ba Leza yobalombelelanga’ko bakwabo idi na bukomo?

Tanga Mako 12:​42-44 ne 2 Bene Kodinda 8:​1-4. Kupwa ipangula bevwaniki amba:

  • Shi twi balanda ketudipo na bintu bivule bya kutūla mwanda wa kukwatakanya mwingilo wa ntanda yonso, bine bikakwasha banabetu batanwa na bimpengele, mwanda waka ketufwaninwepo kwikaka kutūla byabuntu?

Talai VIDEO, Bakankamikile Banabetu mu Kitatyi kya Kukankajibwa. Kupwa ipangula bevwaniki amba:

  • Le banabetu bepēne namani mwanda wa kukwasha batōtyi nabo bene Kidishitu badi bashikata mu bifuko mwadi mukankajibwe mwingilo wetu mu Bulaya bwa Kutunduka?

  • Nansha byobadi mu kukankajibwa, le banabetu balombwele namani amba i bakōkele mbila ya kwibungila pamo ne kwikankamika umo ku mukwabo?—Bah 10:​24, 25

9. Kifundwa kya Bible kya Kipwilo

(Min. 30) lfb kifundwa 4-5

Binenwa bya Mfulo (Min. 3) | Lwimbo 112 ne Milombelo

Kifunka
Kiteba kya Mulami (Kya Kwifunda)—2025 | Kweji 5

Kishinte kya Kwifunda 21: 28 Kweji 7, 2025–3 Kweji 8, 2025

14 Tukimbei Kibundi Kikekala’ko Nyeke