Ñimbo ya Mitōto
Kudi mukulu wa bañomba. Lwimbo lwa Davida.
Nkyakifwijibwa bumvu nansha dimo.+
Nkūle mwanda wa boloke bobe.+
2 Tá kutwi kobe* kondi.
Iya bukidi unkūle.+
Ikala bu kifuko kyami kikomejibwe kya pa lūlu,
Kifuko kikomejibwe kya kumpandija.+
3 Mwanda abe wi kidibwe kyami ne kifuko kyami kikomejibwe;+
5 Nakupe mushipiditu wami mu dikasa dyobe.+
Ubaunyongolola, abe Yehova Leza wa bubine.*+
6 Nshikilwe boba bepāna ku bilezaleza byampikwa mvubu ne bya bituputupu,
Ino amiwa, nkulupile mudi Yehova.
7 Nkasangelanga bininge mu buswe bobe bwa ndamatyidile,
Mwanda ubamone byamalwa byami;+
Uyukile tusua twami* tukatampe.
8 Kumpēnepo mu kuboko kwa walwana,
Ino ubañimika mu kifuko kilamwe senene.*
9 A Yehova, ntōkelwe mutyima, mwanda ngidi mu tusua.
Malwa abakōkeja meso ami,+ ne umbidi wami onso mwine.*+
Bukomo bwami bwenda butyepa mwanda wa kilubo kyami;
Mikupa yami yenda izoza.+
11 Meñwanga na bakinkwa nami bonso,+
Nakampata balondakani nami.
Kadi nzakajibwanga na bayukane;
Shi baumona pa bantu, kebanyema.+
12 Natalulwa mu mutyima wabo* ne kuvulaminibwa, pamo bwa ami mufwe;
Kendi pamo bwa mulondo muladike.
13 Napupula myanda mibi mivule;
Luzakalo lubaunjokoloka.+
14 Ino ami nkulupile modi, abe Yehova.+
Nanena’mba: “Abe wi Leza wami.”+
15 Mafuku* ami adi mu dikasa dyobe.
Nkūle ku kuboko kwa balwana nami ne ku boba bampangapanga.+
16 Eñenya mpala yobe padi mwingidi obe.+
Mpandije pa buswe bobe bwa ndamatyidile.
17 A Yehova, nkyakifwijibwa bumvu ponkwita.+
18 Milomo ibepa bubela ileke kunena,+
Milomo īsambila moloke bya kibengo, na kwizunzula ne kafutululo.
19 Bine, buyampe bobe i bwa ntanda ne ntanda!+
Ubikīle’bo boba bakwakaminwe,+
Kadi ulombolanga’bo ku meso a bantu bonso, mwanda wa boba banyemena modi.+
21 Yehova atendelwe,
Mwanda mu muswelo wa kutendelwa, wanombola buswe bwandi bwa ndamatyidile+ mu kibundi kitēkelwe kasāla.+
22 Ino amiwa, nazakele kenena’mba:
“Nsa kufwa ku meso obe.”+
Ino abe waivwene milombelo yonadi nomba bukwashi kitatyi kyonakwabije.+