MWA KUSHILWILA MĪSAMBO
KIFUNDWA 4
Ikala Mwityepeje
Musoñanya: “Na kwityepeja, monai bakwenu amba i bemupite bukatampe.”—Fid. 2:3.
Byālongele Polo
1. Tala VIDEO, nansha kutanga Bilongwa 26:2, 3. Kupwa londolola bino bipangujo:
Le Polo wālombwele namani kwityepeja mu muswelo wāesambile na Mulopwe Akidipa?
Le Polo wākokēle namani milangwe padi Yehova ne pa Bisonekwa pa kyaba kya kukokela’yo pādi aye mwine? —Tala Bilongwa 26:22.
Ñeni Yotuboila Kudi Polo
2. Musapu wetu wikalanga usangaja bininge shi twiusapula na kwityepeja ne na bulēme.
Iula Polo
3. Wisambe na bulēme. Leka kwimwekeja bu uyukile byonso ne amba muntu’wa kayukilepo kintu.
4. Lombola’mba byofundija bitamba mu Bible. Mu Kinenwa kya Leza mudi milangwe itenga mityima ya bantu. Potwikingidija, twālanga lwitabijo lwabo pa kyalwilo kiyampe.
5. Ikala nyeke mutūkanye. Kokakimba nyeke kwikala na bubinga. Ketukimbengapo kwipotomeja. Lombola kwityepeja na kwikala talala ne kuyuka kitatyi kya kutaluka. (Nki. 17:14; Tet. 3:2) Kulondolola na butūkanye kubwanya kulengeja mukesambe biyampe na muntu’wa kitatyi kikwabo.