LUMINGU LUA DIA 12-18/5

BIUMA BIA MU DÎYI DIA NZAMBI

1. “Muendu wa bantu babi” kawutudingi to

(Min. 10)

Muntu mubi kena ne ditekemena to (Nsu 13:9; w03 15/9 24 §5-6)

Kuikadi usomba ne bantu badi bamba malu mabi ne: mmimpe to (Nsu 13:20; w12 15/7 12 §3)

Yehowa udi ubenesha muntu muakane (Nsu 13:25; w04 15/7 31 §6)

Foto: Bafuanyikija malu mabi adi bantu badi kabayi Bantemu basungula bua kuenza ne malu mimpe adi Bantemu basungula bua kuenza. 1. Muntu mulume uja maja mu nganda wa butuku, mukuate mulangi wa maluvu. 2. Pashishe ukadi usama, unua manga. 3. Bana betu ba balume ne ba bakaji basombe pambelu dilolo. Bana betu abu badi bimba misambu, baja maja ne badia. 4. Dituku didi dilonda, badi baya mu buambi. — Bantu badi badisunsula bua kupeta bintu mu buloba ebu badi mua kumueneka bu ne: badi ne disanka, pabu kabayi nadi nangananga to. Kadi bantu badi benza disua dia Yehowa badi ne disanka dilele

2. Bubanji bua mu Dîyi dia Nzambi

(Min. 10)

Nsu 13:24: Mmunyi mutu Bible utamba kuakula bua dinyoka? (w18.03 dib. 23-24, tshik. 1, 5)

Andamuna
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?

Andamuna

3. Dibala dia Bible

(Min. 4) Nsu 13:1-17 (th dilonga 10)

DIFILA KU MUDIMU WA BUAMBI

4. Mua kubanga kuyukila ne muntu

(Min. 3) KU NZUBU NE KU NZUBU. Tuadija ne bualu kampanda budi buenzeke, pashishe wambile muntu bualu bua mu Bible budi mua kumusankisha. (lmd dilongesha 2, kamutu ka bualu 5)

5. Mua kubanga kuyukila ne muntu

(Min. 4) PADI MPUNGA UMUENEKA. Bikila muntu mu bisangilu. (lmd dilongesha 2, kamutu ka bualu 3)

6. Muyuki

(Min. 5) lmd tshisakidila tshia A, kamutu ka bualu 9—Tshiena-bualu: Bana badi batumikila baledi babu ne babanemeka malu abu neende bimpe. (th dilonga 16)

TUIKALAYI NE NSOMBELU WA BUENA KRISTO

7. “Butoke bua bantu bakane budi butokesha bikole”

(Min. 8) Diyukidilangana.

Mu Bible mudi dimanya dimpe ditambe ne meji mimpe menemene. Tuetu tutumikila malu a mu Bible atudi tulonga, malu etu neende bimpe ne netuikale ne disanka dia bungi mu nsombelu wetu. Ndongoluelu eu kena mua kutupetesha disanka dia buena edi to.

Tshimfuanyi tshia mu filme wa “Ndongoluelu eu kena mua kukupesha tshintu tshidiye kayi natshi to.” Muanetu Gainanshina musombe mu budimi mutangile muulu.

Ela FILME wa Ndongoluelu eu kena mua kukupesha tshintu tshidiye kayi natshi to. Pashishe webeje bateleji ne:

Mmunyi mudi bualu buvua bufikile muanetu wa bakaji Gainanshina buleja mudi “butoke bua bantu bakane” bupite “muendu wa bantu babi”?—Nsu 13:9

Andamuna

Kujimiji dîba diebe, wenda udifuanyikijila muikale ne bintu bia panu apa anyi kudiedi meji bua mapangadika audi muangate adi akuambuluisha bua kuenzela Yehowa mudimu to. (1Yn 2:15-17) Kadi tuma meji ebe ku “mushinga mutambe bunene wa dimanya” diudi mupete.—Flp 3:8.

LUMINGU LUA DIA 12-18/5

NSUMUINU 13

Musambu wa 34 ne disambila | Mêyi a mbangilu (Mun. 1)