LUMINGU LUA DIA 19-25/5
NSUMUINU 14
Musambu wa 89 ne disambila | Mêyi a mbangilu (Mun. 1)
1. Ela meji bikole bua tshiwenza padi tshipupu tshienzeka
(Min. 10)
Kuikadi witaba “dîyi dionso” didibu bamba to (Nsu 14:15; w23.02 23 §10-12)
Kuikadi anu wenza malu bilondeshile muudi umvua anyi bilondeshile mamanya ebe to (Nsu 14:12)
Kuteleji bantu badi kabayi balonda buludiki budi bulongolodi bua Yehowa bufila to (Nsu 14:7)
LUKONKO LUA KUELELA MEJI: Nuenu bakulu, nukadi badilongolole bua kulonda buludiki ne bua kueyemena Yehowa padi tshipupu tshienzeka anyi?—w24.07 5 §11.
2. Bubanji bua mu Dîyi dia Nzambi
(Min. 10)
Nsu 14:17: Mmu ngumvuilu kayi mudibu mua kukina “muntu udi ukonkonona malu bimpe”? (w05 15/7 19 §5-6)
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Nsu 14:1-21 (th dilonga 11)
4. Mua kubanga kuyukila ne muntu
(Min. 3) MUABA UDI BANTU BA BUNGI. Muntu udi ukuambila ne: udi usamisha mutu bua malu a makuta. Muambila bualu kampanda bua mu Bible. (lmd dilongesha 3, kamutu ka bualu 3)
5. Dipinganyina muntu
(Min. 4) KU NZUBU NE KU NZUBU. Pesha muntu tshibejibeji tshidi ne bualu buvuaye musue kumanya panuvua bayukile nende musangu mushale. (lmd dilongesha dia 9, kamutu ka bualu 4)
6. Ubavuije bayidi
(Min. 5) Kankamija mulongi webe wa Bible bua ikale ubala Bible dituku dionso ne muleja mudiye mua kuenza nanku. (th dilonga 19)
Musambu wa 126
7. Ikala mudilongolole bua tshipupu
(Min. 15) Diyukidilangana.
Dialombolabu kudi mukulu. Uvuluije bantu malu a kudi filiale anyi a kudi kasumbu ka bakulu pikalawuku.
Bu mutudi mu “matuku a ku nshikidilu,” tudi bamanye ne: netutuilangane ne ntatu ya bungi. (2Tm 3:1) Patu tshipupu tshienzeka, bantu ba Yehowa batu bapeta buludiki anu pa dîba diabu. Buludiki abu butu buleja tshidibu mua kuenza bua kudikuba. Tshitudi tuenza mpindieu bua kukolesha ditabuja dietu ne bua kulongolola bintu bituikala nabi dijinga ke tshiatuambuluisha bua kupanduka dîba adi.—Nsu 14:6, 8.
Dilongolola mu nyuma: Ikala ne tshibidilu tshia kubala Bible ne kudilongelaye. Longa mua kuyisha bimpe menemene mu mishindu mishilashilangane. Wewe mudisangane nkayebe kule ne bena mu tshisumbu tshienu bua tshikondo kampanda, kupampakanyi to. (Nsu 14:30) Yehowa Nzambi ne Yezu Kristo nebikale anu nebe.—od 176 §15-17
Dilongolola ku mubidi: Pa kumbusha bibuta, dîku dionso didi ne bua kuambula bintu bungi bukumbanyine bu mudi biakudia, mâyi, manga a kunua, ne bintu bikuabu bidi mua kunuambuluisha dîba diakengelabi bua nuanji kushala muaba kampanda matuku.—Nsu 22:3; g17.5-F 4
Ela FILME wa Ukadi mudilongolole bua bipupu anyi? Pashishe webeje bateleji ne:
Mmunyi mudi Yehowa utuambuluisha mu bikondo bia bipupu?
Mmalu kayi atudi mua kuenza mpindieu bua kudilongolola?
Mmunyi mutudi mua kuambuluisha bantu bakuabu badi bipupu bikebele ntatu?
8. Dilonga dia Bible dia tshisumbu
(Min. 30) bt nshap. 26 §18-22, kazubu kadi mu dib. 239