LUMINGU LUA DIA 22-28/12
YESHAYA 11-13
Musambu wa 14 ne disambila | Mêyi a mbangilu (Mun. 1)
1. Ntshinyi tshivua Bible muambe bua Masiya?
(Min. 10)
Uvua ne bua kuikala wa mu ndelanganyi ya Yishai kupitshila kudi muanende Davidi (Yes 11:1; ip-1-F 159 §4-5)
Uvua ne bua kuikala ne nyuma wa Nzambi ne ditshina dia Yehowa (Yes 11:2, 3a; w23.06 15 §5)
Uvua ne bua kuikala mulumbuluishi muakane uvua ne luse (Yes 11:3b-5; ip-1-F 160 §9; 161 §11)
LUKONKO LUA KUELELA MEJI: Ntshinyi tshidi tshienza bua Yezu ikale mupite bakalenge bonso ba panu apa?
2. Bubanji bua mu Dîyi dia Nzambi
(Min. 10)
Yes 11:10: Dîyi dia buprofete edi ndikumbane mushindu kayi? ip-1-F 165-166 §16-18)
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Yes 11:1-12 (th dilonga 11)
4. Mua kubanga kuyukila ne muntu
(Min. 3) KU NZUBU NE KU NZUBU. (lmd dilongesha 2, kamutu ka bualu 5)
5. Dipinganyina muntu
(Min. 4) MUABA UDI BANTU BA BUNGI. Andamuna lukonko lua muntu ne malu adi mu jw.org. (lmd dilongesha dia 8, kamutu ka bualu 3)
6. Ubavuije bayidi
(Min. 5) Ambuluisha mulongi webe bua adilongolole bua nuyishe nende ku nzubu ne ku nzubu. (lmd dilongesha dia 11, kamutu ka bualu 4)
Musambu wa 57
7. Utu ‘ulumbuluisha ne dilumbuluisha diakane’ anyi?
(Min. 15) Diyukidilangana.
Dituku dionso edi tutu tulumbuluisha bantu, imue misangu katuyi nansha tumanya ne: tudi tubalumbuluisha to. Tutu ne tshibidilu tshia kulumbuluisha bantu bilondeshile bitudi tumone. Kadi Yezu udi tshilejilu tshietu katu wenza nanku to. (Yes 11:3, 4) Udi ne bukole bua kumona mu muoyo wa muntu, kujingulula tshidi mu meji ende ne tshidi tshimusaka bua kuenza malu kampanda. Bushuwa tuetu katuena ne bukole abu to, kadi tudi mua kuenza muetu muonso bua kumuidikija. Wakamba ne “Lekelayi kulumbuluishangana bilondeshile tshimuenekelu, kadi nulumbuluishe ne dilumbuluisha diakane.”—Yne 7:24.
Tuetu tulumbuluisha bakuabu bilondeshile bitudi tumona, tshisumi tshitudi natshi bua mudimu wa buambi tshidi mua kukepa. Tshilejilu utu welakana bua kuyisha muaba utu bantu ba mu tshisa kampanda anyi ba mu tshitendelelu kansanga anyi? Netuambe tshinyi bua babanji anyi bapele? Utu wela meji ne: muntu kakukuteleja bualu udi umumona ne tshimuenekelu kampanda anyi? Nzambi mmusue bua “bantu ba mishindu yonso bapandishibue ne bafike ku dimanya dijalame dia bulelela.”—1Tm 2:4.
Ela FILME wa Malongesha a mu Tshibumba tshia Nsentedi: Kulumbuluishanganyi bilondeshile tshimuenekelu. Pashishe webeje bateleji ne:
Mmalu kayi a kansungansunga adibu baleje mu filme eu?
Tuetu batuadije kuenzela bena Kristo netu malu ne kansungansunga, ntshinyi tshidi mua kufikila tshisumbu?
Ntshinyi tshivua tshiambuluishe bana betu badibu bele nkonko mu filme bua kubenga kumona bakuabu mu mushindu mubi bua tshimuenekelu tshiabu?
Mmalongesha kayi audi mupete mu tshiena-bualu tshia Tshibumba tshia Nsentedi atshi?
8. Dilonga dia Bible dia tshisumbu
(Min. 30) lfb dilongesha dia 46-47