Ndandanda yaKupompa kwaMudimu

Mulungu Wakutachika August 14

Kamina 163

Jimin. 15: Kubidika kwahachipompelu chenu. Hoshenu ‘haProgiramu Yayiha Yefuku daKupompa Kwadimena.’ Shimunenu ifuku dakupompa kwadimena kukalondelahu neyi ayileja dehi. Kuzatisha jinjila jidi hefu 4 hela jinjila jikwawu jatelela mwiluña denu, mwekeshenu chakuhana Ulupungu lwa kwa Kalinda August 15 niLoleni! yaJuly-September. Muchimwenu chimu, mwekeshenu chakuhanjeka namuntu wahoshaña nindi “A Yinsahu jaYehova hinayikeñaku.”—Talenu mukanda waUkupelulula, ifu 17-18.

Jimin. 15: “Loleni! Yadimena Yakuhana muSeptember.”a Hakuhanjeka haparakalafu 4, mwekeshenu chimwenu chachihi chinakumwekesha kansi nakuhana Loleni! yaSeptember kudi ntañishi. (Neyi Loleni! kwosi, kwatela kwikala kuhanjeka kwamalwihu niñakwilu kutalisha haLoleni!, hela chochu, mwatela kutena nyikanda yikwawu yakuzatisha hampinji yakampeni kadimena yidi neyi tilakiti 23 yahoshaña nawu Yehova Nani? nibuloshuwa yaBushe Ubumi Bwalikwata Imifwaile? Mwatela kukolesha anvwali kuhituluka mukapetulu kamuchisatu kamukanda waSambilileni Kuli Kasambilisha Mukalamba hamutu wunakwila nawu Uwapangile Ifintu Fyonse.)

Jimin. 15: Bushe Bucibusa na Bana be Sukulu Banandi Bufwile Ukupelela Pi? Mpanji nikuhanjeka nezaza kushindamena hamafu 16-18 aLoleni! yaJuly-September 2006. Ilenu adi mwizaza akulila muyisaka yawiniKristu ahoshihu hachuma chayikwashiluwu anvwali jawu kumika kukala nichazatishiluwu nshimbi jamuBayibolu hashikola. Mwatela kuloñeshelañahu dekulu kulonda muntu wumu hela ayedi enzi ahoshuhu.

Kamina 164 nikulomba kwamakumishilu.

Mulungu Wakutachika August 21

Kamina 62

Jimin. 10: Kubidika kwahachipompelu chenu nikubidika kwakufumisha muMudimu Wetu waWanta. Hoshenu ‘haProgiramu Yayiha yaKupompa kwaÑinza.’ Shimunenu ifuku dakupompa kwañinza kukalondelahu neyi munadiluki.

Jimin. 15: Kuhetelamu muKudiza kwaUlupungu lwa kwa Kalinda niKupompa kwaWantu Amavulu. Mpanji nikuhanjeka nezaza kushindamena haAbaiteyanya Ukucita Ukufwaya kwa kwa Yehova, ifu 59 kushika hakamutu kanyanya kadi hefu 64.

Jimin. 20: Diloñeshenu Yoyinu Mpinji Kulonda Kuzataku WuPayiniya Wakukwasha! Mpanji nikuhanjeka nezaza. Konkomwenenu hakwikala nachikonkwanyi chakuzataku wupayiniya wakukwasha hela kamu hohu muchaaka chimu chamudimu. (1 Kor. 9:26) Amakwawu atela kusakulahu kakweji mwekala mudimu wadimena hela kakweji wudi nachilaji chakunooka hela wukweti jimposu ninyilungu yitanu. Ihulenu izaza nenu: “Munjilanyi mumwashindilahu dehi kukala kumu hampinji yakunyima kulonda kuzataku wupayiniya wakukwasha? Nkiswinyi yinatambwiluwu hamuloña wakuzataku wupayiniya wakukwasha? Neyi mukweti mpwila ilaña himuneluki mwakwililaku, mwatela kuchisha mukulomba. (Yil. 4:29; 2 Kor. 4:7; Yak. 1:5) Muloñadi chichikuwahila cheñi kuhanjeka haniyi nsañu nachisaka chejima ninawakwenu muchipompelu sweje-e ana akweti yililu neyi yenu, yakufwila kuzataku wupayiniya? (Yish. 15:22) Mpinjinyi yimunakufuukulahu kuzataku wupayiniya wakukwasha?”

Kamina 216 nikulomba kwamakumishilu.

Mulungu Wakutachika August 28

Kamina 17

Jimin. 10: Kubidika kwahachipompelu chenu. Tañenu lipoti yamali nimazu akusakilila kufuma kukasanji kamutayi hayawaana yatemesheli chipompelu chenu. Yanukishenu akwakushimwina ahani malipoti amudimu wamwiha aAugust. Kuzatisha jinjila jidi hefu 4 hela jinjila jikwawu jinesekani neluña denu, mwekeshenu chimwatela kuhana Ulupungu lwa kwa Kalinda September 1 hela Loleni! yaJuly-September hampinji yimunakufuntila kudi muntu watambwilaña magazini mpinji yejima.

Jimin. 15: Ikalenu Akakukolesha Amakwawu. (Rom. 1:11, 12) Mpanji nikuhanjeka nezaza. Shimunenu kuvula kwawapayiniya ampinji yejima adi muchipompelu. Shimunenu jinjila jitwatela kuyikoleshelamu, chidi neyi kuyihameka, kuhosha heheta dafumaña mumudimu wawupayiniya, kuzata nawu mumudimu, kuyitambika kulonda kudyila nawu hamu, nikuyikwashaku mali akwendela. Ihulenu apayiniya ampinji yejima ahoshi hachayikolesheluwu kudi amakwawu. Neyi hachipompelu hosi apayiniya ampinji yejima, hoshenu hajinjila jitwatela kukoleshelamu ana anakuzata wupayiniya wakukwasha.

Jimin. 20: Imikenu Chikonkwanyi chaKutachika Kudiza kwaBayibolu muSeptember. Mpanji niyimwenu. Mukakweji waSeptember, kwakekala kuzata nañovu kwadimena kulonda tukatachiki kudiza kwaBayibolu kwakuvulu halwendu lwatachi kuzatisha mukanda waChatañishaña Bayibolu. Ichi chinayi mukwila nawu hampinji yitukuhana mukanda, tukafwila kuhoshahu chantesha hohu hamaparakafu antesha namwiniitala. Kuzatisha nyitu yinateleli iluña denu, ilenu yimwenu yiyedi. Muchimwenu hichimwenu, mwekeshenu chakuloñesha chakufuntilaku chikupu nakutwalekahu kuhanjeka.

Kamina 37 nikulomba kwamakumishilu.

Mulungu Wakutachika September 4

Kamina 90

Jimin. 10: Kubidika kwahachipompelu chenu. Hitulukenu mulipoti yamudimu wamwiha wamuZambia. Hamekenu chipompelu hakuzata nañovu chinaleteshi kwikala nalipoti yayiwahi.

Jimin. 15: Kukankila kwahenu.

Jimin. 20: “Akamenenu Antu—Kuhitila Mukushimwina Chakubula Chaambu.”b Neyi himukuhosha haAroma 1:14, yinateniwu kunsa yaparakalafu 2, bombelenuhu kuhoshahu kwakwihi kushindamena haInsight, Volume 1, ifu 255, parakalafu yatachi yidi heshina dakamutu kanakwila nawu “Barbarian.” Hanyima yakuhanjeka parakalafu 3, hitulukenu mujinjila jisatu jinashimuniwu hefu 2 dakamukanda kaGood News for People of All Nations, nawa mwekeshenu chakuzatisha kamukanda kenaka kudi antu amwiluña denu ahoshaña idimi dacheñi.

Kamina 225 nikulomba kwamakumishilu.

[Tumazu twaheshina]