Ndandanda yaKupompa kwaMudimu

Mulungu Wakutachika November 10

Kamina 205

Jimin. 10: Kubidika kwahachipompelu chenu. Nkoñi wamudimu watela kuhoshahu hamudimu wunazati chipompelu mwiluña dakushimwinamu hakuhana trakiti yinakuhosha nawu Komana Munakukeña Kwiluka Ñakwilu Yanawa Malwihu? Chineli akwakushimwina amakwawu atachika dehi kuhana Kaposhi Kakutalila kaDecember 1 niAwake! yaNovember, lejenu izaza dishimuni chinakuyihanawu niyuma yayiwahi yinafumimu.

Jimin. 15: Hamekenu Hakwikala ‘Awahila Nyidimu Yayiwahi Yejima.’ Mpanji yikuhanewa naeluda kushindamena haKaposhi Kakutalila kaFebruary 1, 2007 ifu 26-31, mapara. 12-16.

Jimin. 20: “Tukweti Ntañishilu Yalema Yakulejaku Antu.”a Neyi himukuhanjeka parakalafu 2, ihulenu izaza dihoshi hansañu yamuBayibolu yayikokweli kukuloñesha kwaYehova hela yinatiyishuwu chikupu kufuma hampinji yayipapatishiluwu.

Kamina 71

Mulungu Wakutachika November 17

Kamina 80

Jimin. 10: Kubidika kwahachipompelu chenu. Kubidika kwakufumisha muMudimu Wetu waWanta.

Jimin. 15: Chikasha chaMalwihu.b Ichi chibaba chinakuhosha hakudikana kwamaluwi etejawu kunfulumendi Hetala daWanta diyeteja kukaninamu maluwi. Neyi chashimwinuwu muKaposhi Kakutalila kaChibemba kaOctober 15, 2006, nshimbi yahosha hakuzatisha Itala daWanta cheñi yinateli kuzatika neyi anakudisumbula anakukeña mpanji yachawija chawu akayihanini Mwitala daWanta hanyima yakudisumbula kwesekeja nachisemwa hela kudisumbula kwetejawu kunfulumendi kwadisumbwililuwu kwacheñi.

Jimin. 20: “Munateli Kwikala Antañishi!”c Ihujolenu mukwakushimwina hela payiniya watoñojokeleña nindi hanateli kulombola kudiza kwaBayiboluku. Washindameneni ñahi hawukwashu waYehova? Munjilanyi munamukwashili kuloñesha kwaYehova kwikala ntañishi washikahu? Nkiswinyi yinaheteliyi mukukalakala mudimu wakulombola kudiza kwaBayibolu?

Kamina 143

Mulungu Wakutachika November 24

Kamina 217

Jimin. 10: Kubidika kwahachipompelu chenu. Tañenu lipoti yamali nimazu akusakilila kufuma kukasanji kamutayi. Shimunenu nyikanda yakuhana muDecember, nawa mwekeshenu chimwenu chimu hela yiyedi mwakuhanina iyi nyikanda.

Jimin. 20: Kukankila kwahenu.

Jimin. 15: Diloñeshenu Kuhana Kaposhi Kakutalila kaDecember 1 niAwake! yaDecember. Mukwihihisha shimunenu nsañu yidi mumagazini, nawa ihulenu izaza dishimuni yibaaba yinateli kukokola antu chikupu mwiluña dakushimwina. Malwihwinyi nijinsona jatela kuzatishawu hakutachika kulumbulula hayibaaba? Mwekeshenu mwakuhanina magazini kuzatisha njila jidi muMudimu Wetu waWanta. Lejenu eluda wumu yamwekeshi mukwihihisha chimwenu chinaloñeshiyi kushindamena hachibaaba chinateleli mwiluña denu.

Kamina 208

Mulungu Wakutachika December 1

Kamina 84

Jimin. 10: Kubidika kwahachipompelu chenu. Yanukishenu akwakushimwina ahani malipoti amudimu wamwiha aNovember.

Jimin. 15: Yakuhumañana yamwiluña denu. Lejenu chipompelu iluña dimwazatilili hakuhana trakiti yinakuhosha nawu Komana Munakukeña Kwiluka Ñakwilu Yanawa Malwihu? Ihulenu izaza ashimuni yakuhumañana yayiwahi yawaninuwu hakuhana trakiti hela hakuyizatisha hakutachika kudiza kwaBayibolu. Cheñi shimunenu yakuhumañana yayiwahi kutalisha hakuhana mukanda waChatañishaña Bayibolu muNovember. Chakuhumañana chimu hela yiyedi atela kuyimwekesha chichadiña.

Jimin. 20: “Dizishenu Amaha Kuumika Ikañesha.”d Neyi himukuhanjeka haparakalafu 2, hoshenu mukwihihisha ochu nsañu yidi mumukanda waUkupelulula hamuntu wunakwila nawu “Inte sha kwa Yehova” chiyatela kukwasha atudizi aBayibolu kwakula malwihu anateli kwihula antaña niamabwambu jawu.

Kamina 105

[Tumazu twaheshina]