Kulozana haShikola—Bayibolu Yahosha Nawudi?

HaMay 24, 2022, chuma chatama chamwekeni mumbaka yanyanya yaUvalde, Texas, U.S.A. Kwesekeja nachipapilu chansañu chaThe New York Times, “mukakuloza walozeli anyana 19 niantañishi ayedi . . . haShikola yaRobb Elementary.”

Chawushona, nsañu yamuchidiwu yinaswejeliku. AkaUSA Today ashimwini nawu muUnited States hohu, “munamwekani makulozañana akubadika ha 249 hamashikola, iyi namba yeneni chikupu kufuma 1970.”

Muloñadi iyi yuma yatama chiyinakumwekena? Tunateli kuumika ñahi nakutama kwamuchidiwu? Komana wubanji wamba kamana? Bayibolu yakula awa malwihu.

Muloñadi wubanji chiwunakuswejelaku mukaayi?

•  Bayibolu yatena mafuku itunakushakamamu nawu “mafuku akukuminina” mudi antu amavulu “abula kukeña akwawu” nawa “azuwa,” adiñijaña muyuma yatama nawa yawubanji. Antu amwekeshaña yilwilu yamuchidiwu “akataminañaku hohu.” (2 Timotewu 3:1-5, 13) Hakwila mwilukiliku, nsañu yikwawu, tañenu chibaaba chinakwila nawu “Did the Bible Predict the Way People Think and Act Today?”

Antu amavulu adihulaña nawu, ‘Muloñadi Nzambi chabulilañayi kukañesha yuma yatama kumwekana chidi neyi kulozana hamashikola?’ Hakwila muwani ñakwilu yamuBayibolu, tañenu chibaaba chinakwila nawu “Bad Things Happen to Good People—Why?”

Tunateli kuumika ñahi nakutama kwamuchidiwu?

•  “Muloña yuma yejima yasonekeliwu kunyima, ayisonekeli . . ., kulonda mukuumika kwetu nimukukundeja kwamuNsona, twiikali nakuchiñeja.”—ARoma 15:4.

Yishina yamuBayibolu yinateli kuyikwasha kuumika wubanji wudi mukaayi. Talenu magazini yaAwake! yinakwila nawu “Will Violence Ever End?” hakwila mwilukiliku nsañu yikwawu.

Nsañu yinateli kukwasha anvwali kukwasha anyanawu kuumika nsañu yakuchiinisha yatiyañawu hela kumona hanyuzi, tañenu chibaaba chinakwila nawu “Disturbing News Reports and Your Children.”

Komana wubanji wamba kamana?

•  “Wakayipulwisha kumakabisha nikumadombu, nawa mashi awu akekala alema chikupu kumesu indi.”—Isamu 72:14.

•  “Mpoku jawu jatubali akajichila yitwa yakudima nachu nawa mayoña awu akayichila yitwa yakukunkula nachu. Muza hiwukanyamwina muza wukwawu mpoku yakabaliku, nawa hiyakadiza cheñi njitaku.”—Mika 4:3.

Nzambi wakela yuma yinakukañanyawu kwila antu. Wanta windi wamwiwulu wakafumishahu yitwa yejima nikufumishahu wubanji wejima. Hakwila mwiluki yuma yikazata Wanta waNzambi, tañenu chibaaba chinakwila nawu “Under God’s Kingdom ‘Peace Will Abound.’”