21 Mi Jehova nonyiso Musa kama: “Asemiyi teko mar timo honni.+ Omiyo, kisedok Misri, ne ni itimo honnigo duto e nyim Farao. To abiro weyo chuny Farao obed matek+ mi ok noyie ne joga mondo odhi.+

13 To e ma pod chuny Farao nobedo matek,+ kendo ne ok owinjogi, mana kaka Jehova nosewacho.

22 To ajuoke mag Misri bende notiyo gi tekogi mag juok+ e timo hono ma kamano, mi chuny Farao nomedo bedo matek, kendo ne ok owinjogi mana kaka Jehova nosewacho.+

15 Ka Farao noneno ni osegol ogwende, chunye nodoko matek+ mi notamore winjogi, mana kaka Jehova nosewacho.

19 Eka ajuoke Misri nonyiso Farao niya: “Lwet Nyasaye e motimo mano!”+ To chuny Farao pod ne tek, mi notamore winjogi, mana kaka Jehova nosewacho.

12 To Jehova noweyo mondo chuny Farao obed matek, kendo ne ok owinjogi mana kaka Jehova nosewacho ne Musa.+

35 Chuny Farao nomedo bedo matek mi ok noweyo Jo-Israel odhi mana kaka Jehova nosewacho kokalo kuom Musa.+

20 Kata kamano, Jehova noweyo chuny Farao obedo matek+ mi ne ok oweyo Jo-Israel mondo odhi.

27 Mi Jehova noweyo chuny Farao obedo matek, kendo ne ok oyie weyogi gidhi.+

10 Musa gi Harun notimo honnigi duto e nyim Farao.+ To Jehova noweyo mondo chuny Farao obed matek mi Farao ne ok oweyo Jo-Israel mondo owuog Misri.+

8 Omiyo, Jehova noweyo chuny Farao ruodh Misri obedo matek mi nochako lawo Jo-Israel. To Jo-Israel nosewuok Misri ka gin gi chir.+

17 Nimar Ndiko wacho ne Farao niya: “Ng’e ni gimomiyo aseweyi nyaka sani en ni mondo anyis tekona kokalo kuomi, kendo mondo nyinga olandre e piny duto.”+ 18 Kuom mano, onyiso ng’wono ne ng’at modwaro, to oweyo jomoko mondo gibed gi chuny matek.+