Julai 28–Agost 3
Chenro mar Ngimawa kod Tijwa—2025 | Julai

JULAI 28–AGOST 3

NGECHE 24

Wer 38 kod Lamo | Weche Michakogo (Dak. 1)

MWANDU MA YUDORE E WACH NYASAYE

1. Teg Yieni Mondo Okonyi Nano e Chandruoge ma Nyalo Yudi

(Dak. 10)

Bed gi ng’eyo kod rieko (Nge 24:5; it-2-E 610 ¶8)

Makri gi chenroni mag lamo kata sama chunyi onyosore (Nge 24:10; w09 12/1 18 ¶12-13)

Ka yiewa otegno, wabiro loyo chandruoge ma waromogo (Nge 24:16; w20.12 15)

Nyaminwa moro ma nigi tuo moro ma chande mor sama gilendo ot ka ot gi nyaminwa machielo mosiepne. Nyaminwano nyiso miyo moro gimoro e tablede ka gin e dhoot.

2. Puonj Manie Wach Nyasaye

(Dak. 10)

  • Nge 24:27​—Ang’o ma ndikoni puonjowa? (w09 10/1 10)

  • Somo mar Muma ma jumani opuonji wach mane?

3. Somo Muma

(Dak. 4) Nge 24:1-20 (th somo 11)

TIEGRI NE TIJ LENDO

4. Chako Mbaka

(Dak. 2) LENDO SAMA IN E DIJENI. Mbaka rumo ka pok ilendo ne ng’atno. (lmd sula mar 2 point mar 4)

5. Chako Mbaka

(Dak. 3) OT KA OT. (lmd sula mar 3 point mar 4)

6. Chako Mbaka

(Dak. 3) LENDO E LELA. Nyis ng’atno kaka wapuonjoga ji Muma, kae to imiye kad mikwayogo puonjruok Muma. (lmd sula mar 4 point mar 3)

7. Twak

(Dak. 3) lmd apendiks A point mar 11​—Wiye: Nyasaye Wuoyoga Kodwa. (th somo 6)

NGIMAWA KAKA JOKRISTO

Wer 99

8. Kony Joweteni e Kinde mag Chandruok

(Dak. 15) Wuoyo.

Wanyalo romo gi chandruoge moko apoya kaka tuoche, masiche, tungni e weche siasa, lwenje, kata sand. Sama chandruoge kaka mago osieko, owete gi nyimine ma chandruogego oyudo konyoga jowetegi kendo jiwore e kindgi. To kata ka chandruogego ok oyudowa achiel kachiel, pod wawinjoga lit ne Jokristo wetewago kendo timo duto ma wanyalo mondo wakonygi.​—1Ko 12:25, 26.

Pichni moriw: Owete gi nyimine ma konyo Jokristo wetegi e yore mopogore opogore. 1. Owete gi nyimine gero Od Romo moro ma nokethore bang’ masira moro ma notimore apoya. 2. Owete gi nyimine rwako nyaminwa moro gi nyare moringo thurgi. 3. Nyaminwa moro golo chiwo e sanduk manie Od Romo. 4. Owete gi nyimine miyo Jokristo wetegi moringo thuchegi gik mochuno ka gin e Od Romo moro. 5. Owete gi nyimine mochiwore konyo e kinde masira miyo joma oyudo masira pi modho. 6. Owadwa moro lemo.

Som 1 Ruodhi 13:6 kod Jakobo 5:16b, kae to ipenj jowinjo kama:

  • Ang’o momiyo lamo ma jotich Nyasaye gologa e lo Jokristo wetegi nigi teko?

Som Mariko 12:42-44 kod 2 Jo-Korintho 8:1-4, kae to ipenj jowinjo kama:

  • Kata obedo ni waonge gik mang’eny kendo wanyalo golo mana chiwo matin ma siro tijwa mar piny mangima mondo okony Jokristo wetewa moyudo chandruok, ang’o momiyo ok onego wadikre timo kamano?

Tug VIDIO ma wiye wacho ni, Jiwo Owete e Pinje ma Ogoye Tijwa Marfuk, kae to ipenj jowinjo kama:

  • Ere kaka owete nochiwore konyo Jokristo wetegi ma nodak e alwora mar Eastern Europe kama nogoye tijwa marfuk?

  • Kata obedo ni nogo tijwa marfuk e alworano, ere kaka owetego noluwo chik ma dwaro ni wachokre kanyachiel kendo wajiwre?​—Hib 10:24, 25

9. Puonjruok Muma e Kanyakla

(Dak. 30) lfb sula mar 4-5

Weche Mitiekogo (Dak. 3) | Wer 112 kod Lamo

Weche Mantie
Ohinga mar Jarito (Mar Puonjruok)—2025 | Mei

Sula mar Puonjruok mar 21: Julai 28, 2025–Agost 3, 2025

14 Many Dala ma Biro Siko