8 “Kaw ludhi, kendo in gi Harun owadu uchok Jo-Israel, kendo wuo gi lwanda ka ji duto winjo mondo ogol pi. Kamano inigol pi e lwanda mondo oganda Jo-Israel kaachiel gi jambgi omodhi.”+

14 kik sunga maku+ ma wiu wil gi Jehova Nyasachu ma ne ogolou e piny Misri ka ma ne unie wasumbni,+ 15 kendo ma ne owuotho kodu e thim maduong’ kendo malich+ ma ne nigi thuonde man gi kwiri mager kod ma thomoni ne opong’o. Ne en thim motwo ma ne onge kata pi. Kata kamano, ne ogolonu pi e lwanda motegno.+

15 Ka ne kech kayogi, ne imiyogi chiemo kowuok e polo,+ to ka ne riyo oloyogi, ne imiyogi pi kowuok e lwanda,+ kendo ne inyisogi ni gidonj mondo gikaw piny ma ne isingo ni ibiro miyogi.

10 Owetena, koro daher ni ung’e ni kwerewa ne ni e bwo bor polo+ kendo giduto ne ging’ado nam.+

4 mi giduto ne gimodho pi chuny machal.+ Nikech ne gijomodho koa e lwanda mar chuny ma ne luwo bang’gi, to lwandano ne ochung’ ne Kristo.+