37 Bezalel+ noloso Sandug Singruok+ kotiyo gi bepe yiend shita. Borne ne en bede* ariyo gi nus, lachne ne en bat achiel gi nus, to tutne ne en bat achiel gi nus.+ 2 Nomwono iye gi oko gi dhahabu lilo, kendo noloso maridadi mar dhahabu molworogo dho sandugno.+ 3 Bang’ mano, noloso ring’ ang’wen mag dhahabu kendo noketogi e wi tielo ang’wen mag sandugno, noketo ring’ ariyo e bathe konchiel to ring’ ariyo e bathe komachielo. 4 Kae to noloso ludhe mag yiend shita momwonogi gi dhahabu.+ 5 Nosoyo ludhe miting’ogo Sandugno e ring’ manie bethene koni gi koni.+