15 “Ka ng’ato oboth moketho chik moro amora mar gik maler mag Jehova,+ nyaka okel ne Jehova yim ma onge mbala mondo otimnego misango mar ketho.+ Nengone kaluwore gi shekel* mag fedha onego opim kitiyo gi rapim mar shekel man ka maler.+ 16 Bende, nyaka omed achiel kuom abich+ mar nengo mar yim mochiwono nikech oseketho chik mar gik maler. Enomigi jadolo, kendo jadolo biro kawo yimno mondo otimgo misango mar ketho ne ng’atno,+ mi nowene richone.+

6 “Nyis Jo-Israel ni, ‘Ka dichwo kata dhako otimo richo ne wadgi moketho ne Jehova, bura nobed e wiye.+ 7 Nyaka oyie ni oketho+ ne wadgi kendo ochul ng’at mokethoneno gima romre gi kethone, kae to omedie achiel kuom abich mar gima ochiwono.+