51 Josef ne ochako wuode makayo ni Manase,*+ nimar ne owacho ni, “Nyasaye osemiyo wiya owil gi chandruokna duto kod jood wuonwa duto.” 52 Ne ochako wuode machielo ni Efraim,*+ nimar ne owachoni, “Nyasaye osemiya nyithindo e piny ma ne achandorae.”+

20 Kendo Asenath+ nyar Potifera jadolo mar On* ne onyuolo ne Josef Manase+ gi Efraim+ e piny Misri.

17 To ka Josef noneno ni wuon-gi ne oketo lwete ma korachwich e wi Efraim, ne rachne. Omiyo, notemo golo lwet wuon-gi e wi Efraim mondo oket e wi Manase. 18 Josef ne onyiso wuon-gi niya: “Mano ok ber wuora nimar ma e wuoyi makayo.+ Omiyo, ket lweti ma korachwich e wiye.” 19 To wuon-gi ne odagi, mi owachone niya: “Wuoda, ang’eyo wachno maler. Manase bende biro bedo oganda maduong’. To owadgi ma luwe e ma nobed maduong’ moloye,+ kendo nyikwaye nobed ogendni mang’eny.”+

18 “Dhoudi adek manie kidieny mar Jo-Efraim e ma nogo kambi yo podho chieng’ kaluwore gi kaka ochan jolwenjgi. Jatend Jo-Efraim en Elishama+ wuod Amihud. 19 Ogandane mar lweny gin ji 40,500.+