15 “Ka pok ji odar, Harun gi yawuote nyaka kwong tiek umo ka maler+ kaachiel gi gik moko duto mitiyogo kuno, kae to yawuot Kohath biro ting’o gigo.+ Kik gimul ka maler, nono to gibiro tho.+ Tij ting’o gik manie hema mar romogo omi yawuot Kohath.

24 Tije midhi mi Jo-Gershon kod gik monego giting’ e magi:+ 25 Giniting’ lewni mag hema mar lamo Nyasaye,+ lewni mag hema mar romo, kod pien mayom* miumego,+ pasia molier e dhood ka maler,+ 26 pasia mochielgo laru,+ pasia mogeng’o dho rangach midonjogo e laru+ ka ma nitie hema maler kod kendo mar misango, tonde hema, kod gigene mamoko kaachiel gi gimoro amora milosego.

31 Tich midhi migi e hema mar romo en mar ting’o+ gik maluwogi: frembe+ mag hema mar romo, ludhene,+ sirnige,+ rachungine;*+ 32 sirni+ mag chiel molworo laru mar hema, rachungine,+ loyene,+ gi tondene kaachiel gi gik moko duto mitiyogo kanyo. Ibiro nyis ng’ato ka ng’ato gik ma onego oting’. 33 Mago e tije momi Jo-Merari+ mondo otim e hema mar romo. Kendo Ithamar ma wuod Harun jadolo e ma biro telonegi e tijno.”+