43 Kaka notimo ranyisi madongo e piny Misri,+

Kendo honni ma notimo e gweng’ mar Zoan,

44 Kaka noloko pi aoche ma ne wuok e Aora Nael obedo remo,+

Kendo ji ne ok nyal modho pi moa e aochego.

45 Ne ooronegi lwang’ni mondo okagi,+

Bende, nokelonegi ogwende moketho pinygi.+

46 Nooro det-bonyo mondo ocham chambgi,

Dedego noketho tich matek ma ne gitiyo.+

47 Ne oketho olembegi mag mzabibu gi koth maduong’+

Kendo nogoyo ng’opegi gi pe.

48 Nokelo kodh pe monego le ma ne gin-go,+

Kendo mil polo ne ogoyo jambgi.*

Nokecho kodgi kendo nokelonegi chandruok;

Bende, nooro oganda malaike mondo okelnegi masira.

Ne ok okechogi;

Nonegogi gi tuo malich.

51 Gikone, ne onego nyithindo ma kayo duto e piny Misri,+

Kayo duto ma nonyuol e hembe mag Ham.