4 Kata kamano, jadhier ok onego obed e kindu, nikech Jehova biro guedhou+ e piny ma Jehova Nyasachu biro miyou mondo ukaw obed maru.

7 “Ka Ja-Israel wadu obedo modhier e mier manie piny ma Jehova Nyasachu biro miyou, kik chunyi bed matek ma itamri konye.+

10 Migiuru gik ma gichandogo mabup+ kendo gi chuny maler. Timo mano biro miyo Jehova Nyasachu oguedh gik moko duto ma utimo.+

34 Bende, ka uholo giu* mana ne jo ma ugeno ni biro chulou, ere ohala muyudo?+ Donge kata mana joricho bende holo joricho ka gigeno ni ibiro duoknegi duto ma ne gichiwo, koso? 35 Kar mano, dhiuru nyime hero jowasiku, kendo utim maber, kendo uhol ji ma ok ugen yudoe gimoro;+ to pok maru biro bedo maduong’, mi unubed nyithind Ng’at Mamalo Chutho, nikech ong’won gi jo ma ok go erokamano kod jo maricho.+