11 Ka ne Rehoboam ochopo Jerusalem, nochoko jolweny 180,000 molony* e dhood Juda kod dhood Benjamin+ mondo gidhi giked gi Jo-Israel mondo loch oduog ne Rehoboam.+ 2 Eka wach Jehova nobiro ne Shemaya+ ng’at Nyasaye madier ka wachone niya: 3 “Wach ne Rehoboam wuod Solomon ruodh Juda kod Jo-Isael duto modak Juda kod Benjamin ni, 4 ‘Jehova owacho kama: “Kik udhi uked gi oweteu. Ng’ato ka ng’ato mondo odog e ode, nikech an e ma asemiyo ma otimore.”’”+ Kamano ne giwinjo Jehova mi gidok kendo ne ok gidhi kedo gi Jeroboam.

5 Amazia nochoko Juda kendo ne ochanogi kaluwore gi anyuolagi, kendo e bwo jotendgi mag ji aluf achiel-achiel kod ji mia-mia. Notimo kamano ne Jo-Juda kod Jo-Benjamin duto.+ Nokwanogi chakre johigni 20 kadhi nyime,+ kendo noyudo ni gin jolweny 300,000 motiegi.* Ne ginyalo kedo gi tong’ kod okumbni madongo.