30 Ahab wuod Omri ne otimo marach ahinya e wang’ Jehova moloyo ruodhi duto ma ne otelone.+ 31 Luwo richo mag Jeroboam+ wuod Nebat kende ne ok orome, to marachie moloyo, nokendo Jezebel+ nyar Ethbaal ruodh Sidon,+ mochako tiyo ne Baal+ kendo kulorene.

51 Ahazia+ wuod Ahab nobedo ruodh Israel e Samaria e higa mar 17 mar loch Jehoshafat ruodh Juda. Nolocho Israel kuom higni ariyo.

53 Ne odhi nyime tiyo ne Baal+ kendo kulorene kotimo marach ne Jehova Nyasach Israel+ mana kaka wuon-gi notimo.

21 Bang’ mano, Jehu nooro wach e Israel duto mi ji duto ma lamo Baal nobiro. Kendo onge ng’ato ang’ata kuomgi ma ne odong’. Ne gidonjo e od Baal+ mi gipong’e tung’ nyaka tung’.

4 Eka ruoth nochiko Hilkia+ jadolo maduong’, gi jodolo ma luwe, kaachiel gi jorit dhoot ni mondo gik moko duto milamogo Baal, gi siro mar yien,+ kod chuech duto mag polo, ogol e hekalu mar Jehova. Nowang’ogi e hoho mar Kidron man oko mar Jerusalem kendo nokiro buchgi Bethel.+ 5 Kuom mano, noriembo jodolo mag nyiseche manono e tich, jodolo ma ruodhi mag Juda noketo mondo ogol misengni ma golo yiro kuonde moting’ore e mier mag Juda kod alwora mar Jerusalem. Bende, noriembo jodolo ma ne chiwo misengni ma golo yiro ne Baal, ne chieng’, ne dwe, ne sulwe, kendo ne chuech duto mag polo.+