3 Yawuot Daudi ma nonyuolo ka en Hebron e magi:+ Amnon wuoyi makayo,+ ma min mare ne en Ahinoam+ nya Jezreel. Mar ariyo ne en Daniel ma min mare ne en Abigail+ nya Karmel. 2 Mar adek ne en Absalom+ wuod Maaka nyar Talmai ruodh Geshur. Mar ang’wen ne en Adonija+ wuod Hagith. 3 Mar abich ne en Shefatia, ma min mare ne en Abital. Mar auchiel ne en Ithream ma min-gi ne en Egla chi Daudi. 4 Yawuoyi auchielgi nonyuolo ka en Hebron. Ne olocho kuno kuom higni 7 gi dweche 6, to Jerusalem nolochoe kuom higni 33.+

5 Yawuoyi ma nonyuolo ka en Jerusalem e magi:+ Shimea, Shobab, Nathan,+ kod Solomon.+ Bathsheba+ nyar Amiel e min yawuoyi ang’wen-go. 6 Yawuote mamoko ochiko ne gin: Ibhar, Elishama, Elifelet, 7 Noga, Nefeg, Jafia, 8 Elishama, Eliada, kod Elifelet. 9 Magi duto ne gin yawuot Daudi ka ok okwan yawuoyi ma nonyuolo gi monde ma jotich. Tamar+ ne en nyamin yawuoyigo.