4 E otienono, wach Jehova nobiro ne Nathan niya: 5 “Dhi iwach ne jatichna Daudi niya: ‘Jehova owacho kama: “Be inyalo gerona ot mondo adagie?+ 6 Nimar nyaka ne agol Jo-Israel e piny Misri pok adak e ot,+ to asebedo ka adar gi hema koni gi koni.+ 7 Kuom kinde duto ma asebedo ka awuotho gi joga Israel, be asepenjo jatelo moro amora ma ne aketo mondo otagi niya: ‘Marang’o pok igerona ot mar yiend sida?’”’

17 Daudi wuora ne dwaro ahinya gero ot ne nying Jehova Nyasach Israel.+ 18 To Jehova nonyiso Daudi wuora niya: ‘Ne idwaro ahinya gero ot ne nyinga, kendo ne itimo maber gombo gima kamano e chunyi. 19 Kata kamano, in ok ibi gerona ot, to wuodi ma ibiro nyuolo e ma biro gero ot ne nyinga.’+

7 Daudi nowacho ne Solomon wuode niya: “Ne agombo ahinya gero ot ne nying Jehova Nyasacha.+ 8 Kata kamano, Jehova noorona wach niya: ‘Isechuero remo mang’eny ahinya kendo isekedo lwenje madongo ahinya. Ok ibi gero ot ne nyinga+ nikech isechuero remo mang’eny e nyima.