4 Jehoash nowacho ne jodolo kama: “Kauru pesa duto mikeloga e od Jehova kaka chiwo maler,+ pesa mondik ne ng’ato ka ng’ato mondo ogol,+ pesa ming’adoga kuom ng’ato kaka osuru, kod pesa duto ma ng’ato ka ng’ato kelo e od Jehova kuom herone.+ 5 Jodolo biro kawo pesago giwegi kuom jo ma okelogi mondo gilosgo kamoro amora mokethore e ot.”+

29 Hezekia+ nobedo ruoth ka en jahigni 25, kendo ne olocho kuom higni 29 kodak Jerusalem. Nying min mare ne en Abija nyar Zekaria.+

3 E dwe mokwongo e higa ma nobedoe ruoth, noyawo dhoudi mag od Jehova kendo nolosogi.+

9 Ne gidhi ir Hilkia jadolo maduong’ kendo ne gimiye pesa ma nokel e od Nyasaye, pesa ma Jo-Lawi ma jorit dhoot nochoko e piny Manase, Efraim, kod kuom Jo-Israel mamoko duto,+ kaachiel gi Jo-Juda, Jo-Benjamin, kod jo ma nodak Jerusalem. 10 Ne gimiyo jo ma noyier mondo ochung’ ne tij od Jehova pesago. Kae to jo ma ne tiyo e od Jehova notiyo gi pesago e loso kuonde mokethore e odno.