12 Jehoyakin ruodh Juda nodhi ir ruodh Babulon+ ka en gi min mare, gi jotichne, gi jotelo, kod jodongo mag dala ruoth.+ Ruodh Babulon notere e tuech e higa mar aboro mar loch ruodh Babulon.+

14 Ne otero Jo-Jerusalem duto e tuech. Nokawo jotelo duto,+ gi jolweny mathuondi, gi funde, kod jotheth+ motero e tuech. Ne okawo ji 10,000. Onge ng’ato ma ne oweyo mak mana jo modhier mogik e pinyno.+

17 Omiyo, ne ooronegi ruodh Jo-Kaldea+ ma ne onego yawuotgi gi ligangla+ e hekalu.+ Ne ok oneno lit ne wuoyi kata nyako, ng’at moti kata ng’at matuore.+ Nyasaye ne oketo gik moko duto e lwete.+

20 Jogo duto ma ligangla ne ok onego notero e tuech Babulon,+ kendo ne olokogi jotichne+ kod jotich yawuote nyaka pinyruodh Persia nochako locho.+

9 Kae to Nebuzaradan+ ma ne en jatend jorit, ne okawo jo ma nodong’ e dalano, jo ma ne odokne, kod ng’ato ang’ata ma pod ne ni kanyo, mi oterogi e tuech e piny Babulon.

15 Nebuzaradan jatend jorit ne okawo moko kuom jo ma nodhier kod jo ma nodong’ e dalano, mi oterogi e tuech. Bende, ne okawo jo ma ne odok ne ruodh Babulon, kaachiel gi jotich molony ma ne pod odong’.+

28 Magi e jo ma Nebukadnezar* nomako motero e tuech. E higa mar abiriyo notero Jo-Yahudi 3,023 e tuech.+