18 To dhi unyis ruodh Juda ma oorou mondo ubi upenj Jehova wach niya: “Ma e gima Jehova Nyasach Israel owacho kaluwore gi weche misewinjo. 19 ‘Nikech ok isebedo gi chuny matek kendo ne ibolori+ e nyim Jehova ka ne iwinjo weche ma asewacho kuom dalani kod jo ma odak e iye, ni gibiro bedo gima ji wuoro kendo yanyo, ma iyiecho lepi+ kendo iywak e nyima, an bende asewinji, Jehova owacho.

13 Nodhi nyime lame, kendo Nyasaye nowinjo ywakne ma nosayego mondo okonye, kendo Nyasaye nodwoke Jerusalem e kom-lochne.+ Omiyo, Manase nong’eyo ni Jehova e Nyasaye madier.+

To ka ne owinjo ywakne, nokonye.+

22 To wuon mare nowacho ne wasumbnine kama, ‘Timuru piyo! keluru kandho maberie moloyo mondo urwakne kendo uket tere e lith lwete kendo urwakne wuoche e tiende. 23 Bende, keluru nyaruath machwe mondo uyang’ kae to wachiemuru kendo wabed mamor 24 nimar wuodani nosetho to koro ongima kendo;+ nolal to koro oseyude.’ Omiyo, ne gibedo mamor.

13 To jasol osuru noyudo ochung’ gi kama ochwalore matin, kendo ne ok odwar kata mana ting’o wang’e kochomo polo, to nosiko kogoyo kore kowacho niya: ‘A Nyasaye, kecha an jaricho.’+ 14 Awachonu ni, jali ne odok e dalane kikwane ng’at makare moloyo Ja-Farisaino.+ Nikech ng’at ma ng’awore malo, noduoke piny, to ng’at ma duokore piny, nong’awe malo.”+