29 Eka Musa ne opogo ne nus dhood Manase lopgi kaluwore gi dhoutgi.+ 30 Pinygi ne chakore Mahanaim+ mokwako piny Bashan duto, piny duto ma ne Og ruodh Bashan lochoe, gi gwenge hema duto mag Jair+ man Bashan, kod taonde 60. 31 Nus Gilead, gi Ashtaroth kod Edrei,+ ma ne gin mier ma Og ruodh Bashan ne lochoe, ne opogne anyuola mar Makir+ wuod Manase, ne opog lowono ne nus mar anyuola mar Makir kaluwore gi dhoutgi.