• Zaburi 15:1-5
    Muma Maler—Loko mar Piny Manyien (nwt)

    • 15 A Jehova, ng’ano ma nobed wendo e hema mari?

      Ng’ano ma nyalo dak e godi maler?+

       2 En ng’at ma wuotho tir e yorene duto,+

      Ma timo gik makare,+

      Kendo ma wacho adier ei chunye.+

       3 En ng’at ma ok keth nying ng’ato,+

      Ma ok tim marach ne jowetene,+

      Kendo ok okuod wi osiepene.+

       4 Okwedo ng’ato ang’ata ma timbene richo,+

      To omiyo jo ma oluoro Jehova duong’.

      Otimo gima osesingore, kata ka timo kamano biro hinye.+

       5 Ok ohol ng’ato pesa mondo oduokne gi ohala e wiye,+

      Kendo ok ocham asoya mondo oketh buch ng’at ma onge ketho.+

      Ng’ato ang’ata ma timo gigi ok noyiengni ngang’.+

  • Zaburi 84:1-4
    Muma Maler—Loko mar Piny Manyien (nwt)

    • 84 A Jehova Nyasach oganda lweny,

      Mano kaka hekalu mari ber!+

       2 An gi siso ahinya

      Mar bedo e laru mar Jehova.+

      Adier, chunya gombo ahinya bedo kanyo.

      Aywak ne Nyasaye mangima gi chunya duto kendo gi tekona duto.

       3 Winy bende odak kuno

      Nyaka opija osegero ode kanyo,

      But kendo mar misangoni.

      Kanyo e mopidhoe nyithinde.

      A Jehova Nyasach oganda lweny, in e Ruodha kendo Nyasacha.

       4 Jo mamor gin jo modak e odi,+

      Gipaki pile.+ (Sela)