27 Ne aneno gimoro marieny ka chuma+ molut e mach. Gino ne nie nungone nyaka e wiye. Kendo chakre e nungone nyaka e tiende, ne nitie gimoro machal gi mach.+ Ler marieny ne olwore koni gi koni 28 mana ka lihudu*+ manie kor polo sa ma koth chue. Mano e kaka ler ma nolwore ne chalo. Lerno ne chalo gi duong’ mar Jehova.+ Ka ne anene, ne apodho piny auma, mi achako winjo ka ng’ato wuoyo.

9 “Ne adhi nyime ng’icho nyaka noket kombe mag loch kargi. Kae to Ng’at ma Hike Ng’eny+ nobet e kome.+ Lepe ne rochere ka theluji,+ to yie wiye ne rachar ka pamba. Kom-lochne ne en ligek mach kendo tiende komno notimo mach mosiko ka liel aliela.+