5 Kamano bende, Kristo ne ok omiyore duong’ owuon+ kuom bedo jadolo maduong’, to ng’at ma nomiye duong’ en Jal ma nowachone kama: “In wuoda; kawuono asebedo wuonu.”+6 Nimar owacho bende kamoro machielo ni, “In jadolo nyaka chieng’ e kit dolo mar Melkizedek.”+
19 Wan gi genoni+ ma chalnwa kaka nanga mar meli mosiro ngimawa; en geno madier, kendo motegno, kendo okalo pasia ka odonjo iye+20 ka ma Yesu, jal ma notelonwa, osedonjoe e lowa.+ Yesuno osebedo jadolo maduong’ mochwere e kit dolo mar Melkizedek.+
3 To nikech ne oonge wuon-gi, min-gi, anyuola mowuokie, kendo ne oonge gi chakruok kata giko, osiko ka en jadolo kuom kinde duto nikech ne okete mobedo ma chal gi Wuod Nyasaye.+
11 Kare ka tij dolo mar Jo-Lawi ne nyalo miyo ji obed ma onge richo+ (nimar mano ne en chenro ma ne oket kaluwore gi Chik ma nomi ji), be pod dine odwarore ni jadolo machielo obedie, miwacho ni ni e kit dolo mar Melkizedek+ to ok e kit dolo mar Harun?