7 Ne gikelo pundano gi nyathine, mi ne giketo lepgi ma oko kuomgi, kae to nobetie.+ 8 Thoth ji nopedho lepgi e yo+ to jomoko ne ng’ado bede yien ka gipedhogi e yo. 9 E wi mano, oganda ma notelo e nyime kod ma ne luwo bang’e ne siko ka kok niya: “Res Wuod Daudi, wakwayi!+ Ng’at moguedhi en ng’at ma biro e nying Jehova!*+ Rese, wakwayi, in man malo mogik!”+

39 Nimar awachonu ni, ok ununena ngang’ chakre sani nyaka chop uwach ni, ‘Ng’at moguedhi en ng’at ma biro e nying Jehova!’”*+

7 Mi ne gikelo nyathi pundano+ ir Yesu kendo ne giketo lepgi ma oko e ng’eye, mi Yesu nobet kuome.+ 8 Bende, ji mang’eny nopedho lepgi ma oko e yo to moko nong’ado oboke e puothe.+ 9 To jo ma notelo e nyime kod ma ne luwo bang’e ne siko ka kok niya: “Rese, wakwayi!+ Ng’at moguedhi en ng’at ma biro e nying Jehova!*+ 10 Oguedh Pinyruoth ma biro mar wuonwa Daudi!+ Rese, wakwayi, in man malo mogik!”

37 To mapiyo ka nochiegni chopo e yo mawuok Got Zeituni, oganda duto mar jopuonjre nobedo mamor, kendo ne gipako Nyasaye gi dwol maduong’ nikech tije madongo duto ma ne giseneno, 38 ka giwacho kama: “Ng’at moguedhi en ng’at ma biro kaka Ruoth e nying Jehova!* Kuwe mondo obed e polo kendo duong’ obed kuonde man malo mogik!”+