24 Mi ne gigure e yath kendo ne gipogore lepe ma oko kuom goyo ombulu mondo ging’e gima ng’ato ka ng’ato nonego okaw.+

34 To Yesu ne lemo kama: “Wuora, wenegi nimar ok ging’eyo gima gitimo.” E wi mano, ne gigoyo ombulu mondo gipogre lepe.+

23 Koro ka askeche noseguro Yesu e yath, ne gikawo lepe ma oko mi gipogo ding’wen, mondo askar ka askar okaw achiel, to bende ne gikawo nangane ma iye. Kata kamano, nanga ma iyeno ne onge gi ka ma oriwego, nikech nolos borne wuok malo nyaka piny. 24 Omiyo, ne giwacho e kindgi niya: “Kik wayieche, to wagone ombulu eka wang’e ni obiro bedo mar ng’a.”+ Mano ne en mondo ochop wach manie Ndiko ma nokoro kama: “Ne gipogore lepa, kendo ne gigoyo ombulu kuom nangana.”+ Omiyo, askeche notimo gigo adier.