22 Eli ne hike oniang’ ahinya gie kindeno. Kata kamano, ne owinjo gik moko duto ma yawuote ne timo+ ne Jo-Israel. Ne owinjo bende kaka yawuotego ne terore gi mon ma ne tiyo e dho hema mar romo.+ 23 Eli ne janyiso yawuotego niya: “Ang’o momiyo utimo gik ma kama? Ji duto wacho gik maricho kuomu. 24 Ooyo yawuota, gik ma awinjo kiwacho kuomu e kind oganda Jehova ok gin gik mabeyo. 25 Ka ng’ato otimo richo ne dhano wadgi, ng’ato nyalo lemone mondo Jehova owene,* to ka ng’ato otimo richo ne Jehova,+ ng’ano ma nyalo lemone?” Kata kamano, yawuoyigo ne otamore winjo wuon-gi nikech Jehova ne oseng’ado ni obiro negogi.+

8 Ka ne Samuel oseti, ne oketo yawuote mondo obed jong’ad bura e piny Israel. 2 Wuode makayo ne iluongo ni Joel, to wuode mar ariyo ne iluongo ni Abija;+ ne gin jong’ad bura Beer-sheba. 3 Kata kamano, yawuotego ne ok oluwo ranyisine. Ne gimanyo ohala e yor mibadhi,+ ne gikawo asoya,+ kendo ne ging’ado bura e yo ma ok kare.+

14 Gikanyono, Daudi nonyiso jotichne duto niya: “Wuoguru piyo wadhi,+ nono to Absalom biro negowa waduto! Wareturu, di po ka ojukowa mi okelo masira e dalani kuom negowa waduto!”+