10 Musa gi Harun notimo honnigi duto e nyim Farao.+ To Jehova noweyo mondo chuny Farao obed matek mi Farao ne ok oweyo Jo-Israel mondo owuog Misri.+

11 Zedekia+ nobedo ruoth ka en jahigni 21 kendo nolocho kuom higni 11 kodak Jerusalem.+ 12 Nodhi nyime timo gik maricho e wang’ Jehova Nyasache. Ne ok obolore e nyim janabi Jeremia+ ma Jehova ne ooro ire. 13 Bende, ne ong’anyo ne Ruoth Nebukadnezar+ kata obedo ni ne osekuong’ore gi nying Nyasaye ni obiro bedo e bwo lochne. Nosiko gi tok teko kod chuny matek kendo notamore duogo ir Jehova Nyasach Israel.