13 Ne oor joote e pinje duto manie bwo loch ruoth mondo giter barupe ma chiko ni oneg Jo-Yahudi duto. Chikno ne dwaro ni oneg ji duto, jo matindo gi jo moti, nyithindo gi mon. Kendo ne dwarore ni otim kamano mana e odiechieng’ achiel. Ne ochik ni gitim kamano chieng’ tarik 13 dwe mar 12 miluongo ni Adar.+ Bende, ne ochikgi ni giyak mwandu Jo-Yahudi duto.+

15 Jootego nowuok ng’wech+ mana kaka ruoth nochikogi. Kendo chikno ne olandore bende Shushan*+ dala mochiel motegno.* Bang’ mago duto, ruoth gi Haman ne obet mondo gimethi. Kata kamano, midhiero malich ne omako ji e dala mar Shushan.*