20 Ka asekelogi e piny mopong’ gi chak kod mor kich+ ma ne asesingo ne kweregi,+ kendo gichiemo ma gidoko machwe,+ gibiro chako lamo nyiseche mamoko kendo tiyonegi. Ginichaya kendo giniketh singruokna.+

13 Jehova nosiemo Jo-Israel kod Jo-Juda kotiyo gi jonabine duto gi jonen+ mage duto kowachonegi niya: “Lokreuru uwe yoreu maricho!+ Makuru chikena kod buchena kaluwore gi chike duto ma ne amiyo kwereu kendo ma ne aoronu ka atiyo gi jonabina.” 14 Kata kamano, ne ok giwinjo kendo wigi nobedo matek mana kaka kweregi ma ne ok oketo yie kuom Jehova Nyasachgi notimo.+

26 “Kata kamano, ne gibedo gi wich teko kendo ne ging’anyo+ mi gitamore luwo Chikni. Ne ginego jonabi magi ma ne siemogi mondo giduog iri, kendo ne gitimo timbe malich mag achaya.+