72 A Nyasaye, puonj ruoth bucheni,

Kendo ipuonj wuod ruoth chikeni makare.+

 8 Lochne biro chakre e nam achiel nyaka e nam machielo,

Kendo e Aora* nyaka e tung’ piny.+

 9 A Jehova, ogendni duto misechueyo

Nobi iri mi ginikulreni,+

Kendo ginimi nyingi duong’.+

4 E ndalo mag giko,

Ibiro gur motegno got ma od Jehova nitiere,+

Enobed malo moloyo gode duto,

Ibiro ting’e malo moloyo gode duto,

Kendo ji mang’eny nodhiye.+

“Biuru, wadhi e god Jehova,

E od Nyasach Jakobo.+

Obiro puonjowa yorene,

Mi wanawuoth e yorene.”

Nimar chik* nowuog Sayun,

Kendo wach Jehova nowuog Jerusalem.

 3 Obiro ng’ado ne ji mang’eny bura,+

Enorie weche mag ogendni ma roteke man mabor.

Ginithedh ligengnigi obed kwer,

Kendo tongegi obed pand keyo.+

Oganda ok noting’ ligangla ne oganda machielo,

Ok ginichak gipuonjre lweny kendo.+