3 E ndalogo, Johana+ Jabatiso ne yalo+ e thim man Judea

3 Adier, ma e jal ma janabi Isaya+ nowuoyo kuome niya: “Dwol moro kok e thim niya: ‘Ikuru ne Jehova* yo! Losneuru yo moriere tir.’”+

2 Mana kaka ondik e bug janabi Isaya niya: “(Ne! Aoro jaotena e nyimi, ma biro ikoni yo.)+ 3 Nitie dwol ma kok e thim kama: ‘Ikuru ne Jehova* yo! Miuru yorene obed moriere tir.’”+ 4 Johana Jabatiso ne ni e thim koyalo wach batiso ma en gima nyiso ni ji oloko chunygi mondo owenegi richogi.+

3 Kuom mano, nodhi e alwora duto mar Jordan koyalo wach batiso ma en gima nyiso ni ji oloko chunygi mondo owenegi richogi,+ 4 mana kaka ondik e buk moting’o weche janabi Isaya niya: “Nitie dwol ma kok e thim kama: ‘Ikuru ne Jehova* yo! Miuru yorene obed moriere tir.+ 5 Hoho ka hoho nyaka bug, kendo gode gi pidhe duto nyaka ket obed mopie; yore mogondore nyaka bed moriere tir, kendo yore motimo gogni* nobed mapoth; 6 kendo ji duto none warruok mar Nyasaye.’”+

23 Nodwokogi niya: “An ng’at ma dwonde kok e thim kama, ‘Losuru yo moriere tir ne Jehova,’*+ mana kaka janabi Isaya nokoro.”+