12 Jehoyakin ruodh Juda nodhi ir ruodh Babulon+ ka en gi min mare, gi jotichne, gi jotelo, kod jodongo mag dala ruoth.+ Ruodh Babulon notere e tuech e higa mar aboro mar loch ruodh Babulon.+

14 Ne otero Jo-Jerusalem duto e tuech. Nokawo jotelo duto,+ gi jolweny mathuondi, gi funde, kod jotheth+ motero e tuech. Ne okawo ji 10,000. Onge ng’ato ma ne oweyo mak mana jo modhier mogik e pinyno.+

7 ‘Kendo moko kuom yawuoti ibiro ter Babulon kendo gibiro bedo jotelo e od ruodh pinyno.’”+

24 “Jehova owacho ne Konia*+ wuod Jehoyakim+ ruodh Juda ni, ‘Akuong’ora ni kata dabed ni in e tere manie lweta ma korachwich, pod dawuodhi oko! 25 Abiro chiwi e lwet jo ma iluoro ma dwaro negi, e lwet Nebukadnezar* ruodh Babulon, kendo e lwet Jo-Kaldea.+

31 Eka e odiechieng’ mar 25 dwe mar 12, ma ne en higa mar 37 nyaka ne ter Jehoyakin+ ruodh Juda e tuech, Evilmerodak ruodh Babulon nogonyo Jehoyakin ruodh Juda e jela.+ Mano e higa ma Evilmerodak nochakoe locho. 32 Ne owuoyo kode e yo mang’won, kendo ne oketo kom-lochne obedo gi duong’ moloyo mag ruodhi mamoko ma ne ni Babulon.