• Rapar mar Chik 28:28, 29
    Muma Maler—Loko mar Piny Manyien (nwt)

    • 28 Jehova biro goyou gi tuo mar neko, kendo lokou muofni+ gi jo ma orundore. 29 Unumul amula godiechieng’ mana ka muofu ma mulo nikech mudho,+ kendo ok nuchop ka ma udwaro dhiyoe. Nothiru kendo onge gimoro amora ma ubiro timo ma nodhi maber. Unubed jo ma ji siko wuondo kendo kwalo ma onge ng’at ma resou.+

  • Isaya 59:9, 10
    Muma Maler—Loko mar Piny Manyien (nwt)

    •  9 Mano e momiyo bura makare bor kodwa,

      Kendo tim makare pok ojukowa.

      Wageno yudo ler, to mudho lilo e ma waneno;

      Adier, wagombo neno ler to wawuotho mana e mudho mandiwa.+

      10 Wamulo amula kor udi mana ka muofni;

      Ee, wamulogi mana ka jo ma onge wengegi.+

      Wachwanyore godiechieng’ ka gima piny oyuso;

      Wachalo mana jo mosetho e kind jo mangima.