4 Kata kamano, ka ne pok gidhi nindo, chwo duto mag Sodom, madongo gi matindo ne obiro molworo odno. 5 Ne gichako luongo Lut ka giwachone niya: “Eke chwo ma nende obiro e odi kae? Golnwagi oko mondo waterre kodgi.”+

6 Kendo ka noketho mier mag Sodom gi Gomora mi gilokore buru,+ ne oketo ranyisi mar gik ma nobi kuom jo ma ok oluoro Nyasaye.+

7 E yo ma kamano, Sodom gi Gomora kod mier ma nolworogi bende nodonjore chuth gi timbe madongo mag terruok,* kendo ne giluwo gombo mag ringruok mopogore gi ma ne ochuego dhano;+ nikech giyudo kum mar mach ma nyaka chieng’, oseketgi e nyimwa mondo gibednwa ranyisi ma miyowa siem.+